ԵՐԵՎԱՆ, 13 հոկտեմբերի — Sputnik. Արցախի մարդու իրավունքների պաշտպան Արտակ Բեգլարյանը Twitter–ի իր էջում հրապարակել է Արցախում ադրբեջանական ագրեսիայի զոհ դարձած բնակիչներից մեկի լուսանկարները։
«Մարտունի քաղաքում սպանված խաղաղ բնակիչներից մեկը. քաղաքի կենտրոնի թիրախավորած հրթիռակոծության հետևանքով»,– գրել է Բեգլարյանը։
One of the killed civilians in #Martuni town as a result of #Azerbaijan targeted shelling to the downtown.
— Artak Beglaryan (@Artak_Beglaryan) October 12, 2020
The photo from @ArtsakhOmbuds 2nd interim reporthttps://t.co/SX23QKbiPB#AzerbaijaniAggression #DontBeBlind pic.twitter.com/7De9H8NwYH
Նշենք, որ նույն լուսանկարը հրապարակվել է նաև Արցախի ՄԻՊ–ի 2-րդ միջանկյալ զեկույցում։
Զեկույցում հրապարակվել են նաև Արցախի նկատմամբ իրականացված ագրեսիայի հետևանքով զոհված ու վիրավորված այլ արցախցիների լուսանկարները։
The face of #AzerbaijaniAggression
— Arman Sahakyan (@sahakyan_a) October 12, 2020
2 year's old Artsvik was injured after heavy bombing in his native town #Martuni.
His 9 y/old sister died. This war proved again that #Azerbaijan is targeting #peaceful #civilians. #stopterrorism#StopAzerbaijaniAggression #ArstakhStrong pic.twitter.com/7FGgi9KKhH
Վիրավորվածների թվում է նաև պատերազմի առաջին օրը` սեպտեմբերի 27-ին Մարտունի քաղաքի վրա կատարված հրթիռակոծության հետևանքով վիրավորված 2-ամյա Արծվիկը, որն ավելի ուշ տեղափոխվել էր Երևան ու մինչ օրս բուժում է ստանում երևանյան հիվանդանոցներից մեկում։
Փոքրիկ Արծվիկի մայրը ևս ծանր վիրավոր է։ Նրա լուսանկարը նույնպես հրապարակված է ՄԻՊ–ի զեկույցում։ Իսկ նրա տատն ու 9 տարեկան քույրը մահացել էին Մարտունիում հրթիռակոծության հետևանքով։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 13-ի ժամը 10:30-ի դրությամբ` հակառակորդի կրակոցների հետևանքով զոհվել են 532 զինծառայողներ և 31 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5139 զոհ ունի, ավելի քան 5000 վիրավոր։
Ըստ վերջին տվյալների՝ Ադրբեջանի զինված ուժերը կորցրել են 18 ինքնաթիռ, 16 ուղղաթիռ, 173 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 521 տանկ և ՀՄՄ:
Ինչին պետք է ընտելանանք, եթե Ադրբեջանի հետ պատերազմը երկարի
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։
Հրադադար, բայց ոչ խաղաղություն. ի՞նչ խնդիր պետք է լուծի բանակը արցախյան պատերազմից հետո
