ԵՐԵՎԱՆ, 11 հոկտեմբերի - Sputnik. Ամերիկացի ռեսթլեր և կինոդերասան Դուեյն Ջոնսոնի (որը հայտնի է «Ժայռ» մականունով) կինը՝ Լոուրեն Հաշյանը արտահայտվել է Ղարաբաղում տիրող իրավիճակի վերաբերյալ։ Նա հայկական եռագույնի լուսանկար է հրապարակել Facebook-ի իր էջում ու Հայաստանին սատարող մեկնաբանություն է գրել։
«Սարսափելի է լսել Հայաստանում ու Ադրբեջանում հակամարտության հետևանքով անմեղ մարդկանց մահվան մասին լսել», - գրել է Հաշյանը։
Նա նշել է, որ այնտեղ (Ղարաբաղում) բարեկամ ու ծանոթ չունեցողների համար դժվար է հասկանալ՝ ինչ է այնտեղ կատարվում։ Հաշյանն ասել է, որ արվում է ամեն հնարավոր բան՝ սոցցանցերով ու ԶԼՄ-ներով տեղի ունեցողի մասին ճշմարիտ տեղեկություն տարածելու համար։
«Աղոթում եմ խաղաղության համար ու իսկապես հույս ունեմ, որ քաղաքական գործիչները կանեն ամեն բան՝ առաջիկայում բռնությունը դադարեցնելու համար։ Սրտով սահմանին են ու աղոթում եմ բոլոր այն մարդկանց համար, որոնք հիմա այնտեղ են», - գրել է Հաշյանը։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հայաստանը մեր օգնության կարիքն ունի. Քորթնի Քարդաշյանը և Անժելա Սարաֆյանը կոչ են անում
Հոկտեմբերի 11-ի ժամը 11։00-ի դրությամբ` հակառակորդի կրակոցների հետևանքով զոհվել են ավելի քան 400 զինծառայողներ և 20 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 4719 զոհ ունի, ավելի քան 5000 վիրավոր։
Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 165 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 510 տանկ և ՀՄՄ:
Ինչին պետք է ընտելանանք, եթե Ադրբեջանի հետ պատերազմը երկարի
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։
Հրադադար, բայց ոչ խաղաղություն. ի՞նչ խնդիր պետք է լուծի բանակը արցախյան պատերազմից հետո
