ԵՐԵՎԱՆ, 10 հոկտեմբերի — Sputnik. ԵԱՀԿ գործող նախագահ, Ալբանիայի վարչապետ Էդի Ռաման ողջունել է Հայաստանի, Ռուսաստանի և Ադրբեջանի ԱԳ նախարարների բանակցություններից հետո ընդունած որոշումը Լեռնային Ղարաբաղում հումանիտար հրադադար հայտարարելու մասին։
The @OSCE CiO @ediramaal welcomes humanitarian ceasefire that just entered in force in #NagornoKarabakh context after talks in #Moscow.
— Albanian OSCE Chairmanship 2020 (@AlMissionVienna) October 10, 2020
We need stability, both on ground & in the process led by Minsk Group Co-Chairs. This agreement 🇦🇿 🇦🇲 paves way for substantive negotiations. pic.twitter.com/uXRErOcthE
«ԵԱՀԿ գործող նախագահ (Ալբանիայի վարչապետ) Էդի Ռաման ողջունում է հումանիտար հրադադարի որոշումը, որը Մոսկվայում բանակցություններից հետո նոր է ուժի մեջ մտել Լեռնային Ղարաբաղի հակամարտության գոտում։ Կայունություն է պետք ինչպես հակամարտության գոտում, այնպես էլ ԵԱՀԿ Մինսկի խմբի համանախագահների ղեկավարությամբ ընթացող բանակցություններում։ Հայաստանի և Ադրբեջանի միջև ընդունված այս համաձայնագիրը ճանապարհ է հարթում բովանդակալից բանակցությունների համար», - ասված է Ալբանիայի ներկայացուցչի Twitter-ի էջում:
Ադրբեջանը կրակի տակ է պահում Հադրութը. ՊՆ
Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը երեկ Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։
Մասնավորապես, կողմերը պայմանավորվել են, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։
