Երևանում մեկնարկած Եվրասիական տնտեսական միության (ԵԱՏՄ) միջկառավարական խորհրդի նիստն անցկացվում է Հայաստանի համար դժվար օրերին։ Նիստի ժամանակ Եվրասիական միջկառավարական խորհրդի նեղ կազմով նիստի ժամանակ իր ելույթն այսպես սկսեց ՀՀ վարչապետ Նիկոլ Փաշինյանը։
«Արդեն երկու շաբաթ է, ինչ մարտեր են ընթանում ամբողջ արցախա–ադրբեջանական սահմանին` ժամանակակից բոլոր ռազմամթերքի կիրառմամբ։ Արցախի քաղաքներն ու գյուղերը, ինչպես նաև ենթակառուցվածքները, Ադրբեջանի կողմից հրթիռակոծվում և հրետակոծվում են»,–ասաց Փաշինյանը։
Նա հայտնեց նաև, որ կան զոհեր և վիրավորներ, այդ թվում` խաղաղ բնակչության շրջանում։ Փաշինյանը վստահեցնում է`հայերը վճռական են տրամադրված ու պաշտպանելու են իրենց տունը։
«Չնայած բոլոր դժվարություններին, մեր ժողովուրդը միասնական է ինչպես երբեք և վճռական է` մինչեւ վերջ կանգնելու ու պաշտպանելու մեր ազատությունն ու անկախությունը»,–ասաց նա։
Նա շնորհակալություն հայտնեց բոլորին` այս ոչ հեշտ ժամանակաշրջանում Հայաստան այցելելու համար։ Սա, ըստ նրա, գնահատելի է և ավելի կամրապնդի ԵԱՏՄ երկրների միջև առկա կապերը։
Հիշեցնենք, որ Եվրասիական տնտեսական միության (ԵԱՏՄ) միջկառավարական խորհրդի նիստը տեղի է ունենում Կարեն Դեմիրճյանի անվան մարզահամերգային համալիրում։
Նիստին մասնակցում են Ռուսաստանի, Ղազախստանի, Բելառուսի կառավարությունների ղեկավարներ Միխայիլ Միշուստինը, Ասկար Մամինը, Ռոման Գոլովչենկոն:
Ղրղզստանի նախագահը պատրաստ է հրաժարական տալ, բայց մի պայմանով
Նիստին չի մասնակցում Ղրղզստանի կառավարության ղեկավար Մուհամեդկալիյ Աբիլգազիևը` երկրում ստեղծված ներքաղաքական իրավիճակի պատճառով:
