ԵՐԵՎԱՆ, 8 հոկտեմբերի – Sputnik. Reddit կայքի ամերիկահայ համահիմնադիր, միլիոնատեր Ալեքսիս Օհանյանն արձագանքել է Ադրբեջանի կողմից Շուշիի սուրբ Ղազանչեցոց եկեղեցուն հասցված ավիահարվածներին։
«Նրանք նորից ավերում են մեր եկեղեցիները։ Եվ թիրախում են ոչ միայն ռազմական օբյեկտները», – գրել է Օհանյանը Twitter–ի իր էջում։
Here they go destroying our churches again. This is not an attack on military targets. https://t.co/DrXiGYXruH
— Alexis Ohanian Sr. 🏛️7️⃣7️⃣6️⃣ (@alexisohanian) October 8, 2020
Նշենք, որ այսօր Շուշիի եկեղեցին ադրբեջանական հրթիռակոծության հետևանքով տուժել է երկու անգամ։ Տաճարին հասցված առաջին հարվածի ժամանակ ներսում երեխաներ են եղել, բայց բարեբախտաբար ոչ ոք չի տուժել։
Երկրորդ հարվածի հետևանքով եկեղեցու շենքը լրջորեն վնասվել է։ Մի քանի ժամ անց եկեղեցուն երկրորդ հարվածն են հասցրել։ Տուժել է մոտ 10 մարդ, այդ թվում լրագրողներ։ Ռուսաստանցի ռազմական թղթակից Յուրի Կոտենոկը ծանր վիճակում է։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Արցախի մայրաքաղաք Ստեփանակերտը, Շուշին, Հադրութը, Մարտակերտն ու այլ բնակավայրեր պարբերաբար հրետակոծվում ու հրթիռակոծվում են ադրբեջանցիների կողմից։ Կան զոհեր ու վիրավորներ խաղաղ բնակչության շրջանում (այդ թվում՝ երեխաներ)։
Ղազանչեցոցի հրթիռակոծումը ծայրահեղ կրոնական անհանդուրժողականություն է. Մայր Աթոռ
