ԵՐԵՎԱՆ, 8 հոկտեմբերի – Sputnik. Արտակարգ իրավիճակների նախարարությունը տեղեկացնում է, որ տարբեր համայնքներում իրականացվում են ազդարարման էլեկտրաշչակների վերանորոգման և տեխնիկական զննման աշխատանքներ։
«Այդ ընթացքում հնարավոր են ձայնարձակումներ: Խնդրում ենք չանհանգստանալ և խուճապի չմատնվել»,–նշված է ԱԻՆ հաղորդագրության մեջ։
«Օդային տագնապ» ազդանշանի դեպքում էլեկտրաշչակների միջոցով տրվում է ընդհատվող (տատանվող) ձայնային ազդանշան` 2-3 րոպե տևողությամբ, միաժամանակ բարձրախոսներով կամ բջջային հեռախոսներով տրվում է «Օդային տագնապ. պատսպարվել պաշտպանական կառույցներում» բովանդակությամբ հաղորդագրություն:
Բնակչությունը պետք է պատրաստ լինի հնարավոր օդային տագնապի ազդանշանին. ինչ է պետք անել
Օդային տագնապի ազդանշանը տրվում է օդային հարձակման կամ օդային հարձակման վտանգի դեպքում։ Նման դեպքերում խորհուրդ է տրվում արագ հագնվել, օգնել հագնվել երեխաներին ու ծերերին, անջատել տան էլեկտրականությունը, գազն ու ջուրը, վերցնել առաջին անհրաժեշտության իրերը, դեղորայք, սնունդ և ջուր ու գնալ մոտակա ապաստարան։
Նկուղներում, բայց առանց օդային տագնապների․ ինչպես է անցել գիշերը Ստեփանակերտում
