ԵՐԵՎԱՆ, 7 հոկտեմբերի – Sputnik. Նիդեռլանդների Ներկայացուցիչների պալատը Թուրքիայի վերաբերյալ երկու բանաձև է ընդունել։ Փաստաթղթերի տեքստերը Twitter-ի իր էջում հրապարակել է խորհրդարանի պատգամավոր Ջոել Ֆորդեվինդը։
Պետք է դադարեցվի Թուրքիայի միջամտությունը. Ֆրանսիայի արտգործնախարարի կոշտ հայտարարությունը
Բանաձևերից մեկում խորհրդարանը պահանջում է կառավարությունից ՆԱՏՕ-ի խորհրդի միջոցով կոչ անել Թուրքիային չմիջամտել ղարաբաղյան հակամարտությանը, հաշվի առնելով, որ Թուրքիան ու Ադրբեջանն անտեսում են ՄԱԿ-ի Անվտանգության խորհրդի ու Մարդու իրավունքների Եվրոպական դատարանի կոչերն ու չեն դադարեցնում մարտական գործողությունները։
De Kamer roept de regering op Turkije aan te spreken binnen de NAVO-Raad zich niet te mengen in het conflict tussen Azerbeidzjan en Armenië in Nagorno Karabach (Artsach)! Zie motie @Martijncda en ondergetekende.👇 pic.twitter.com/1HriQ3Uhtx
— Joël Voordewind (@JoelVoordewind) October 7, 2020
Երկրորդ բանաձևում խորհրդարանը պահանջում է կառավարությունից ԵԱՀԿ-ի շրջանակում հետաքննել թուրքական վարձկանների՝ ղարաբաղյան գոտի տեղափոխելու հարցը։
Հատկանշական է, որ որպես ապացույց նիդիռլանդացի պատգամավորները հիմնվում են ֆրանսիական ու ռուսական հետախուզության տվյալների վրա։
Հայերը Բրյուսելում Եվրամիության դրոշի կողքին հայկական եռագույնն են բարձրացրել
«Հաշվի առնելով Ֆրանսիայի ու Ռուսաստանի հատուկ ծառայությունների տվյալներն այն մասին, որ Թուրքիան Սիրիայից ջիհադիստների է ուղարկում Լեռնային Ղարաբաղի վիճելի անկլավ, որ շատ աղբյուրներ, այդ թվում՝ Reuters-ն ու Guardian-ը, հիշատակում են զանգվածային կերպով սիրիացի գրոհայինների՝ Ադրբեջան տեղափոխելու մասին, խորհրդարանը կոչ է անում Նիդեռլանդների կառավարությանը ԵԱՀԿ շրջանակում հետաքննություն պահանջել», - նշվում է հայտարարության մեջ։
Նշենք, որ Ֆորդեվինդը դեռ 2018 թվականի փետրվարին Օսմանյան Թուրքիայում հայերի ու այլ ժողովուրդների (հույների ու ասորիների) ցեղասպանության ճանաչման մասին բանաձևի նախաձեռնողներից էր։ Բանաձևին կողմ էին քվեարկել նաև թուրքական ծագում ունեցող պատգամավորներ Զինի Օզդիլն ու Դիլան Եսիլգեզյուն։
