ԵՐԵՎԱՆ, 7 հոկտեմբերի - Sputnik. Վրաստանի վարչապետ Գեորգի Գախարիան այսօր լրագրողների հետ զրույցում ասել է, որ պատրաստ է իր ուժերի ներածին չափով աջակցել Հայաստանին և Արդբեջանին` խաղաղություն հաստատելու համար։
«Մեր հարևանությամբ ընթացող պատերազմը մեծ ռիսկ է Վրաստանի համար: Բնականաբար, մենք մեր հնարավորությունների սահմաններում կանենք ամեն ինչ ՝ նպաստելու խաղաղության հաստատմանը: Եվ մենք մեր պատրաստակամությունն ենք հայտնում աջակցելու մեր հարևաններին», - ասաց Գախարիան:
Նա նշեց, որ Վրաստանում ապրում են ինչպես էթնիկ հայեր, այնպես էլ ադրբեջանցիներ:
Ավելի վաղ` հոկտեմբերի 6-ին, հայաբնակ Ախալքալաքում մոտ 6 հազար հայ ակցիա էին իրականացրել` ի աջակցություն Արցախի։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 6-ի ժամը 09։00-ի դրությամբ` հակառակորդի կրակոցների հետևանքով զոհվել են 284 զինծառայողներ և 19 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3754 զոհ ունի, ավելի քան 5000 վիրավոր։
Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 18 ուղղաթիռ, 128 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 416 տանկ և ՀՄՄ:
Առաջնագծում գտնվող տղաներն անում են անհնարինը. տեսանյութ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Հայացք թաքստոցից․ մահվան աչքերին նայած արցախցիները․ լուսանկարներ
