ԵՐԵՎԱՆ, 5 հոկտեմբերի – Sputnik. Ռուսաստանի նախագահ Վլադիմիր Պուտինն Ադրբեջանի և Թուրքիայի նախագահներ Իլհամ Ալիևի ու Ռեջեփ Թայիփ Էրդողանի հետ խոսելու հստակ ծրագրեր դեռ չունի։ Այսօր լրագրողների հետ զրույցում ասել է Պուտինի նախագահի մամուլի քարտուղար Դմիտրի Պեսկովը։
«Սակայն Ղարաբաղում պատերազմ է, դժվար է գուշակել»,– ավելացրել է նա։
Պեսկովը միաժամանակ նշել է, որ Մոսկվան Ղարաբաղի հարցով Բաքվի և Անկարայի հետ աշխատանքային շփումների պակաս չունի, երկխոսությունն ընթանում է մշտապես և բարձր մակարդակով. ՌԴ արտաքին գործերի նախարար Լավրովը մշտական կապի մեջ է և՛ Ադրբեջանի, և՛ Թուրքիայի գործընկերների հետ։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 5-ի ժ. 13։00-ի դրությամբ` հակառակորդի կրակոցների հետևանքով զոհվել են 223 զինծառայողներ և 18 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3154 զոհ ունի, ավելի քան 5000 վիրավոր։
Ըստ վերջին տվյալների ՝ Ադրբեջանի զինված ուժերը կորցրել են 17 ինքնաթիռ, 14 ուղղաթիռ, 124 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 368 տանկ և ՀՄՄ:
Առաջնագծում գտնվող տղաներն անում են անհնարինը. տեսանյութ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Հայացք թաքստոցից․ մահվան աչքերին նայած արցախցիները․ լուսանկարներ
