Արցախը պաշտպանող զինծառայողները Հայաստանից ստացած հերթական օգնություն–նվերների հետ նաև նաև սրտառուչ նամակներ են ստացել հայաստանցի փոքրիկներից։
Երևանի Վ. Համբարձումյանի թիվ 12 դպրոցի երկրորդ դասարանցիներն իրենց ծանրոցի մեջ նաև իրենց մաղթանքները, երախտագիտությունն ու հիացմունքն են ուղարկել զինվորներին։
«Էդգար, ես քեզ շատ եմ սիրում, խնդրում եմ` արի»,– գրել է փոքրիկներից մեկը` թերևս զնվորի հավաքական կերպարում դիմելով Արցախ մեկնած իր հարազատին։
Մեկ ուրիշ փոքրիկ էլ գրում է, որ հպարտ է զինվորներով ու երբ մեծանա` ինքն էլ է հետևելու նրանց օրինակին ու զինվոր դառնա։
«Ոզում եմ, որ մեր զինվորները լինեն առողջ ու երջանիկ։ Երբ մեծանամ` ուզում եմ լինել ձեզ նման ուժեղ, քանի որ դուք մեզ պաշտպանում եք։ Միասին ենք»,– գրում է մեկ այլ դպրոցական։
Փոքրիկները նաև հաղթանակ ու խաղաղություն են մաղթում իրենց նամակներում` գրելով, որ ուզում են ուրախ լինել ու դպրոց գնալ։
«Գնալու եք, երեխե՛ք»,– հերթական նամակը կարդալուց հետո երեխաներին խոստացան զինվորներն ու իրենց շնորհակալությունը հայտնեցին փոքրիկներին։
Նրանք նաև որոշեցին, որ երեխաների գրություններից կազմված պաստառը փակցնելու են պատին, որ միշտ տեսնեն ու հիշեն իրենց ամուր թիկունքն ապահովող նոր սերնդի մասին։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 4-ի ժ. 21։00-ի դրությամբ` հակառակորդի կրակոցների հետևանքով զոհվել են 202 զինծառայողներ և 8 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3154 զոհ ունի, ավելի քան 5000 վիրավոր։
Ըստ վերջին տվյալների ՝ Ադրբեջանի զինված ուժերը կորցրել են 17 ինքնաթիռ, 14 ուղղաթիռ, 124 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 368 տանկ և ՀՄՄ:
Առաջնագծում գտնվող տղաներն անում են անհնարինը. տեսանյութ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Հայացք թաքստոցից․ մահվան աչքերին նայած արցախցիները․ լուսանկարներ
