ԵՐԵՎԱՆ, 3 հոկտեմբերի – Sputnik. Reddit-ի համահիմնադիր, գործարար, գրող և միլիարդատեր Ալեքսիս Օհանյանը միջազգային հանրության ուշադրությունն է հրավիրել Արցախում տիրող իրավիճակին։ Instagram–ի իր էջում նա դատապարտել է աշխարհին լռության համար։
«Ինչպես գրել է իմ ընկեր Սերժ Թանկյանը, աշխարհը աչք փակեց
- 1915 թվականին իրագործված Հայոց ցեղասպանության վրա,
- 1980-90– ական թվականներին զանգվածային սպանությունների ու ջարդերի վրա,
- 2016 թվականին Ադրբեջանի կողմից Արցախ ներխուժման վրա»,–գրել է Օհանյանը։
Նրան զայրացրել է, որ այժմ աշխարհն աչք է փակում Ադրբեջանի և Թուրքիայի կողմից Արցախի Հանրապետության և Հայաստանի Հանրապետության սահմաններին սանձազերծված պատերազմի վրա։
Այսօր թիրախավորվել են մեր երեխաները, վաղը կարող են լինել ձերը. Մխիթարյանը դիմել է աշխարհին
Գրառման վերջում գործարարը հորդորել է մարդկանց նվիրատվություն կատարել «Հայաստան» համահայկական հիմնադրամին։
View this post on Instagram
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 3-ի ժ. 16։00-ի դրությամբ` հակառակորդի կրակոցների հետևանքով զոհվել են 209 զինծառայողներ և 8 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 1750 զոհ ունի, 2700 վիրավոր։ Հակառակորդը նաև զինտեխնկայի զգալի կորուստ ունի և շարունակում է գրանցել։
«Մենք ձեզ սնիկերս, դուք մեզ` խոցված տանկեր». աղջիկների գրությունները զինվորներին
Արցախում և Հայաստանում ռազմական դրություն և համատարած զորահավաք է հայտարարվել։
«Մենթալիտետն է բարբարոսական». գնդապետը ռուսաստանցի լրագրողի հարցին պատասխան չգտավ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։ Եվս մեկ խաղաղ բնակիչ էլ զոհվել է Գեղարքունիքի մարզում։
