ԵՐԵՎԱՆ, 2 հոկտեմբերի – Sputnik. Ռուսաստանցի հայտնի ռոք–երգչուհի և ռազմական թղթակից Յուլյա Չիչերինան, որն Արցախի առաջնագիծ է մեկնել, երգել է հայ զինվորների համար։ Տեսանյութը հրապարակել է WarGonzо Telegram ալիքը։
Հայացք թաքստոցից․ մահվան աչքերին նայած արցախցիները․ լուսանկարներ
Ռազմական թղթակից, WarGonzо նախագծի ղեկավար Սեմյոն Պեգովը պատմել է, որ ինքն ու Չիչերինան ապաստարանում են, Աղդամի շրջանում։
Երբ Պեգովը հայտարարում է Չիչերինայի սպասվող ելույթի մասին, Յուլյան նրան ընդհատում է, խնդրելով հայտնել, որ ապաստարան մտնելիս ծիածան էր դուրս եկել։ Իսկ հետո կատարում է մի երգ, որն այդպես էլ կոչվում է. «Մենք առաջնագծում ենք»։
Տեսանյութում միայն մի փոքր հատված է ներկայացված կատարումից։
Ավելի վաղ Յուլյա Չիչերինան ամուսնու հետ Ստեփանակերտի ճանապարհին գնդակոծության տակ էին հայտնվել։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 2-ի ժ. 12-ի դրությամբ` հակառակորդի կրակոցների հետևանքով զոհվել են 158 զինծառայողներ և 7 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 1750 զոհ ունի, 2700 վիրավոր։
«Մենք ձեզ սնիկերս, դուք մեզ` խոցված տանկեր». աղջիկների գրությունները զինվորներին
Արցախում և Հայաստանում ռազմական դրություն և համատարած զորահավաք է հայտարարվել։
«Մենթալիտետն է բարբարոսական». գնդապետը ռուսաստանցի լրագրողի հարցին պատասխան չգտավ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։ Եվս մեկ խաղաղ բնակիչ էլ զոհվել է Գեղարքունիքի մարզում։
Օրվա կադր. մարտադաշտից դուրս պայքար` հանուն կյանքի
