ԵՐԵՎԱՆ, 2 հոկտեմբերի – Sputnik. Ադրբեջանն այսօր Ստեփանակերտում թիրախավորել է տեղի արտակարգ իրավիճակների պետական ծառայության շենքը, ինչի հետևանքով 7 վիրավոր կա։ Լրագրողների հետ ճեպազրույցում հայտնեց Արցախի ՄԻՊ Արտակ Բեգլարյանը։
«Վիրավորներից մի քանիսը ծանր վիճակում են։ Նրանք զինվորական չեն, այլ մարդասիրական գործառույթ են իրականացնում»,–ասաց նա։
Բեգլարյանի խոսքով` հաշվի առնելով հարվածի դիպուկությունը` ակնհայտ է, որ արտակարգ իրավիճակների պետական ծառայության շենքը դիտավորյալ է թիրախավորվել։
Բնակչությունը պետք է պատրաստ լինի հնարավոր օդային տագնապի ազդանշանին. ինչ է պետք անել
Հիշեցնենք` այսօր կեսօրին ՀՀ ՊՆ ներկայացուցիչ Արծրուն Հովհաննիսյանը Facebook–ի իր էջում գրել էր, որ հակառակորդը հարվածել է Արցախի Հանրապետության մայրաքաղաք Ստեփանակերտին, տուժել են փրկարար ծառայության շենքը, քաղաքացիական ենթակառուցվածքներ։
Հայացք թաքստոցից․ մահվան աչքերին նայած արցախցիները․ լուսանկարներ
