ԵՐԵՎԱՆ, 2 հոկտեմբերի - Sputnik. Ադրբեջանի ռազմական գործողություններից տուժածների առողջությունը գտնվում է Հայաստանի ու Արցախի բժիշկների հոգատար ուշադրության կենտրոնում։ Այսօր Արցախում կայացած ճեպազրույցում հայտնեց բժշկական գիտությունների դոկտոր, պրոֆեսոր Արմեն Մուրադյանը։
Ելույթը Մուրադյանը շարունակեց ռուսերենով` հատուկ ընդգծելով, որ այդ կերպ իրեն կլսեն ու կհասկանան նաև աշխարհի շատ երկրներում ու հատկապես` Ադրբեջանում։
«Ես կխոսեմ որպես բժիշկ, կխոսեմ հումանիզմի լեզվով, որով խոսում են աշխարհի բժիշկները, լեզվով, որը հասկանալի է աշխարհին, որը հասկանալի է մարդկանց, ովքեր սարսափեցին COVID-19-ի մարտահրավերից։ Ցավոք, Ադրբեջանի դիկտատորական ռեժիմը, ահաբեկիչների, ռադիկալների, էքստրեմիստների միջոցով պատերազմ է սանձազերծել այն պահին, երբ աշխարհը պայքարում է համավարակի դեմ, երբ ամեն կյանք վտանգված է»,– ասաց Մուրադյանը։
Հայացք թաքստոցից․ մահվան աչքերին նայած արցախցիները․ լուսանկարներ
Նա շեշտեց, որ Ադրբեջանի ռազմական արկածախնդրության զոհ են դարձել ոչ միայն զինվորականները, այլև քաղաքացիական անձինք` կանայք, երեխաները, ծերերը, լրագրողները, ովքեր փորձում էին աշխարհին պատմել իրականությունն այն մասին, որ հայերն ապրել են, ապրում են ու ապրելու են իրենց հայրենի հողում։
«Նայեք այն մարդկանց աչքերին, ովքեր մնացել են հրետակոծության տակ, նայեք այն երեխայի աչքերին, ով այսօր վաղ առավոտյան արթնացել է ռումբի պայթյունից ու դուք կհասկանաք, թե ով է ճիշտ խոսում` մարդիկ, ովքեր պայքարում են իրենց տան համա՞ր, թե՞ մարդիկ, ովքեր պատերազմ են մղում ինչ–որ հորինված սահմանի համար, որը երբեք չի եղել ու չի լինելու անկախ Ադրբեջանինը»,– ասաց Մուրադյանը` դիմելով աշխարհի բժիշկներին ու կոչ անելով իրենց բողոքի ձայնը բարձրացնելու համավարակի շրջանում պատերազմ սանձազերծած ագրեսորի դեմ։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 2-ի ժ. 12-ի դրությամբ` հակառակորդի կրակոցների հետևանքով զոհվել են 158 զինծառայողներ և 7 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 1750 զոհ ունի, 2700 վիրավոր։
«Մենք ձեզ սնիկերս, դուք մեզ` խոցված տանկեր». աղջիկների գրությունները զինվորներին
Արցախում և Հայաստանում ռազմական դրություն և համատարած զորահավաք է հայտարարվել։
«Մենթալիտետն է բարբարոսական». գնդապետը ռուսաստանցի լրագրողի հարցին պատասխան չգտավ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։ Եվս մեկ խաղաղ բնակիչ էլ զոհվել է Գեղարքունիքի մարզում։
Օրվա կադր. մարտադաշտից դուրս պայքար` հանուն կյանքի
