ԵՐԵՎԱՆ, 2 հոկտեմբերի – Sputnik. ՀՀ ՊՆ ներկայացուցիչ Արծրուն Հովհաննիսյանը Facebook–ի իր էջում գրել է, որ հակառակորդը հարվածել է Արցախի Հանրապետության մայրաքաղաք Ստեփանակերտին։
«Ստեփանակերտում կան քաղաքացիական ենթակառուցվածքների բազում վնասվածքներ, վիրավորներ։ Տուժել է փրկարար ծառայությունը»,–գրել է նա քիչ ավելի ուշ։
![Ստեփանակերտին խփեցին. տուժել է փրկարար ծառայությունը, կան վիրավորներ. լուսանկարներ Ստեփանակերտին խփեցին. տուժել է փրկարար ծառայությունը, կան վիրավորներ. լուսանկարներ - Sputnik Արմենիա](https://cdn.am.sputniknews.ru/img/07e4/0a/02/24720991_0:0:1600:1157_600x0_80_0_0_f14ab8f985668c4d5dbff291eb31bba6.jpg)
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
![Ստեփանակերտում հրետակոծության հետևանքները Ստեփանակերտում հրետակոծության հետևանքները - Sputnik Արմենիա](https://cdn.am.sputniknews.ru/img/07e4/0a/02/24720175_0:0:1601:1006_600x0_80_0_0_d4164ed2ac6fb0f55574434e5347b858.jpg)
![Ստեփանակերտում հրետակոծության հետևանքները Ստեփանակերտում հրետակոծության հետևանքները - Sputnik Արմենիա](https://cdn.am.sputniknews.ru/img/07e4/0a/02/24720142_0:0:1601:1006_600x0_80_0_0_2c5609e88789904efb1d3e6d0aef1220.jpg)
![Ստեփանակերտում հրետակոծության հետևանքները Ստեփանակերտում հրետակոծության հետևանքները - Sputnik Արմենիա](https://cdn.am.sputniknews.ru/img/07e4/0a/02/24720996_0:97:1600:1102_600x0_80_0_0_c334066198b3f398cefc70fc8849a044.jpg)
![Ստեփանակերտում հրետակոծության հետևանքները Ստեփանակերտում հրետակոծության հետևանքները - Sputnik Արմենիա](https://cdn.am.sputniknews.ru/img/07e4/0a/02/24720967_0:0:1601:1006_600x0_80_0_0_397671acaee20a227cc55a21d091f338.jpg)
Հոկտեմբերի 2-ի ժ. 12-ի դրությամբ` հակառակորդի կրակոցների հետևանքով զոհվել են 158 զինծառայողներ և 7 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 1750 զոհ ունի, 2700 վիրավոր։
«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից
Ըստ այս պահին հայտնի տեղեկությունների` Ադրբեջանը զրկվել է նաև 107 ԱԹՍ–ից, 10 ուղղաթիռից, 205 զրահատեխնիկայից, 5 ինքնաթիռից, 1 «Սմերչից» և 3 «ՏՕՍ» համակարգից։ Արցախում և Հայաստանում ռազմական դրություն և համատարած զորահավաք է հայտարարվել։
Խաթարված մանկությունն ու աչքերի լույսը․ Արցախի երեխաների տպավորիչ ֆոտոշարքը
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։ Եվս մեկ խաղաղ բնակիչ էլ զոհվել է Գեղարքունիքի մարզում։
Հայաստանը պատրաստ է բանակցությունների, բայց կա մեկ «բայց». Փաշինյան