ԵՐԵՎԱՆ, 30 սեպտեմբերի – Sputnik. Ֆրանսիան չի ընդունի Թուրքիայի հայտարարությունները՝ Ղարաբաղի գրավման մասին։ Այս մասին հայտարարել է Ֆրանսիայի նախագահ Էմանուել Մակրոնը Ռիգայում կայացած մամուլի ասուլիսի ժամանակ, տեղեկացնում է Figaro-ն։
«Ֆրանսիան նախկինի պես խիստ մտահոգված է Թուրքիայի ռազմական կոչերով, որ հնչում են վերջին ժամերին, Ադրբեջանի կողմից Լեռնային Ղարաբաղի գրավման մասին։ Մենք դա թույլ չենք տա»,- հայտարարել է Ֆրանսիայի նախագահը։
«Ես ասում եմ Հայաստանին ու հայերին՝ Ֆրանսիան իր դերը կունենա»,-հավելել է նա։
Մակրոնն արդեն զրուցել է իր ռուսաստանյան ու ամերիկյան գործընկերներ Վլադիմիր Պուտինի և Դոնալդ Թրամփի հետ՝ Եվրոպական Միությունում իրավիճակը ներկայացնելուց առաջ։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
«Արցախը հայկական է, հայկական էլ կմնա». ֆրանսիական Բուրգ լե Վալանսի քաղաքապետ
Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։
«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից
Ըստ այս պահին հայտնի տեղեկությունների` Ադրբեջանը զրկվել է նաև 75 ԱԹՍ–ից, 7 ուղղաթիռից, 137 զրահատեխնիկայից, 1 ինքնաթիռից։ Արցախում և Հայաստանում ռազմական դրություն և համատարած զորահավաք է հայտարարվել։
Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան
Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։
Հայաստանը պատրաստ է բանակցությունների, բայց կա մեկ «բայց». Փաշինյան
