ԵՐԵՎԱՆ, 29 սեպտեմբերի– Sputnik. Լրագրողներ առանց սահմանների միջազգային կազմակերպությունը Twitter–ի պաշտոնական էջում դատապարտել է Ադրբեջանի կողմից հայ լրագրողների հետապնդումն անօդաչու թռչող սարքով։
Journalists are not military targets! A drone has made threatening approaches to Armenian reporters @TERTam_arm that covered the Nagorno #Karabakh conflict in a village. @RSF_inter calls #Azerbaijan and #Armenian authorities to guarantee their safety. https://t.co/PTxFuMvzc2
— RSF in English (@RSF_en) September 29, 2020
«Լրագրողները ռազմական թիրախներ չեն։ ԱԹՍ–ն սպառնալի մոտեցումներ է անում tert.am–ի լրագրողների ուղղությամբ, որոնք գյուղերից մեկում լուսաբանում էին Լեռնային Ղարաբաղի հակամարտությունը»,– նշված է հաղորդագրության մեջ։
Կազմակերպությունը կոչ է անում Ադրբեջանի և Հայաստանի իշխանություններին երաշխավորել լրագրողների անվտանգությունը։
Հիշեցնենք՝ ավելի վաղ հայտնել էինք, որ հակառակորդի ԱԹՍ-ն թիրախավորել էր Արցախում գտնվող հայ լրագրողներին: Բարեբախտաբար տուժողներ չկան:
