ԵՐԵՎԱՆ, 27 սեպտեմբերի - Sputnik. ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ջոզեֆ Բորելը Twitter–ի իր էջում հայտնել է, որ խոսել է Հայաստանի և Ադրբեջանի արտաքին գործերի նախարարների հետ։
«Հայաստանի և Ադրբեջանի նախարարների հետ զրույցում շեշտել եմ հրադադարի ռեժիմի վերականգման անհապաղ անհրաժեշտությունը: Հակամարտությունը ռազմական լուծում չունի»,-գրել է Բորելը։
Նրա խոսքով` խնդրի լուծման միակ ճանապարհը վերադառնալն է առանց նախապայմանների բանակցություններին` Մինսկի խմբի համանախագահների ղեկավարությամբ։
I spoke to ministers of Armenia and Azerbaijan and stressed the importance of an immediate ceasefire. There is no military solution to the conflict. The only way forward is the return to negotiating table without preconditions under @OSCE Minsk Group co-chairs. #NagornoKarabakh
— Josep Borrell Fontelles (@JosepBorrellF) September 27, 2020
Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:
Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 16 անօդաչու թռչող սարք, ինչպես նաև ունի զրահատեխնիկայի կորուստներ:
Ադրբեջանը թքել է բոլոր միջազգային կոնվենցիաների վրա. Զոհրաբյան
Հայկական կողմում 16 զինծառայող են զոհվել, ինչպես նաև երկու խաղաղ բնակիչ։
Արցախում և Հայաստանում ռազմական դրություն և համատարած զորահավաք է հայտարարվել։
