ԵՐԵՎԱՆ, 27 սեպտեմբերի– Sputnik. Հայկական միասնական տեղեկատվական կենտրոնը հայտնում է, որ ըստ հետախուզության տվյալների` Սիրիայից մոտ 4000 գրոհային է մասնակցում Ադրբեջանի սանձազերծած ռազմական գործողություններին։
«Ճշտված տեղեկություններով` գրոհայինների շարքում կա 81 զոհ»,–նշված է կենտրոնի Facebook սոցցանցի էջում։
Հիշեցնենք, որ ՀՀ ՊՆ ներկայացուցիչ Արծրուն Հովհաննիսյանը նույնպես անդրադարձել էր այս լուրերին` ասելով, որ նախարարությունն արդեն որոշ տեղեկությունների տիրապետում է և՛ գրոհայինների մասով, և՛ Թուրքիայի միջամտության, և՛ թուրքական արտադրության զինտեխնիկայի կիրառության։ Նրա խոսքով` դեռ շատ տվյալներ ճշտման կարիք ունեն։
Արցախում ավելի քան 50 բնակավայր է թիրախավորվել. Արցախի ՄԻՊ
Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:
Ըստ վերջին տեղեկությունների` ադրբեջանական զինուժը կորցրել է 3 ուղղաթիռ, 21 անօդաչու թռչող սարք, 30 տանկ և ՀՄՄ։
Հաքերային հարձակման են ենթարկվել հայկական մի շարք ԶԼՄ–ների կայքեր
Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Զոհվել են նաև 16 զինծառայողներ։ Հայկական կողմը 100–ից ավելի վիրավոր ունի։ Արցախում և Հայաստանում ռազմական դրություն և համատարած զորահավաք է հայտարարվել։
Ակնկալում ենք, որ միջազգային հանրությունը կարձագանքի Ադրբեջանի քայլերին. նախագահ
