ԵՐԵՎԱՆ, 22 սեպտեմբերի – Sputnik. «Մեր ժամանակի հերոսը» մրցանակաբաշխության գլխավոր մրցանակն Անկախության տոնի օրը ստացավ մանուկների համար խաղալիքներ ստեղծող Սևակ Մարկոսյանը:
Հիսուսի հանրահայտ արձանը «ներկվել» է Հայաստանի դրոշի գույներով. տեսանյութ
Ներկայացնելով իր աշխատանքը՝ մրցանակակիրը խելացի խաղալիքների շարքում հատկապես առանձնացրեց հայկական տուֆ քարի փոքր կտորներից բաղկացած կոնստրուկտորը՝ «Տուֆտուֆիկը»:
««Տուֆտուֆիկը հատուկ ստեղծվել էր, որ երեխաներին ոչ միայն սովորեցնի կառուցել, այլ ՀՀ սահմաններից դուրս գտնվող բալիկներին հիշեցնի իրենց հայրենիքի մասին: Դա է պատճառը, որ վերջին շրջանում մենք խաղալիքի հետ տալիս ենք նաև սեփականության վկայական՝ տան հատակագծով՝ 92քառ. սմ, իսկ հողամասի բնութագրում նշված է 42 000 քառ. կմ»,- ասաց Սևակ Մարկոսյանը:
Մրցանակը ստեղծագործ խաղալիքների հեղինակին հանձնեց ՀՀ վարչապետ Նիկոլ Փաշինյանը:
«Մեր գլխավոր հերոսը զարմանակի հետևողականություն է ցուցաբերել ինքն իր կյանքը փոխելու հարցում»,- ասաց վարչապետը՝ պատմելով, որ Սևակ Մարկոսյանը տարիներ շարունակ աշխատել է բանկային համակարգում, բայց մասնագիտական աճի փոխարեն ընտրել է ստեղծագործական աշխատանքը:
Մնացած 12` արդեն ավանդական դարձած մրցանակները ևս հանձնվեցին իրենց գործարար գաղափարներն ու երազանքներն իրագործած ու որոշակի հաջողությունների հասած սկսնակ գործարարների:
Եվս երկու հավելյալ մրցանակ այս տարի ստացան կորոնավիրուսի դեմ պայքարած բժիշկ Հրայր Հովակիմյանն ու հայրենիքի սահմանների պաշտպանության գործում հուլիսին Տավուշում հերոսացած հայոց բանակի կապիտան Ռուբեն Սանամյանը:
Հիշեցնենք՝ «Մեր ժամանակի հերոսը» մրցանակաբաշխությունն առաջին անգամ անցկացվել էր 2019թ-ին, Գյումրիում:
Մեկ տարի առաջ Սև բերդում անցկացված միջոցառմանը մրցանակներն օրվա հերոսներին հանձնել էին Հայաստանի մշակութային ու քաղաքական գործիչները։
Փաշինյանի «Մեր ժամանակի հերոսների» թվում այս տարի կան նաև բժիշկ ու զինվոր
Վարչապետի սահմանած մրցանակը խորհրդանշական գրություն ունի. «Այդ մեկ մարդը դու ես»։ Մրցանակը հայելապատ է` այն խորհրդով, որ դրանում յուրաքանչյուրը կարողանա տեսնել իրեն ու փորձել դառնալ մեր ժամանակի հերոսներից մեկը։
Մեր ժամանակների հերոսները ՀՀ հասարակ քաղաքացիներ են, որոնք քաջություն են ունեցել սեփական նախաձեռնությամբ փոխելու իրենց ու շրջապատի մարդկանց կյանքը։
Վարչապետի կողմից բարձր գնահատականի արժանանալով` նրանք պետք է նաև օրինակ լինեն մյուսների համար։
Ինչպիսի Հայաստան պետք է ունենաք 2050–ին. Փաշինյանը ներկայացրեց վերափոխման ռազմավարությունը
