ԵՐԵՎԱՆ, 17 սեպտեմբերի – Sputnik. Թուրքիայի նախագահ Ռեջեփ Թայիփ Էրդողանը մեկնաբանել է Անկարայի և Աթենքի միջև կոնֆլիկտային իրավիճակը, որն առաջացել է Արևելյան Միջերկրածովում հորատման աշխատանքների պատճառով։ Twitter–ում կատարած գրառումը մեջբերում է TRTWorld–ը։
"Even if democracy and economy are completely destroyed in Europe and America, we will continue to uplift our nation in every field ... this is called the Turkey model." Turkey’s President Recep Tayyip Erdogan pic.twitter.com/f32lxLc0Rx
— TRT World Now (@TRTWorldNow) September 17, 2020
Թուրք առաջնորդը պնդում է, որ Անկարան կոնֆլիկտի ամենասկզբից պնդել է դիվանագիտական կարգավորման մասին և իրեն արժանի պահել, ի տարբերություն մյուս կողմի։ Նա քննադատել է Եվրոպայի երկրների միջամտությունը և նրանց քաղաքականությունը բնութագրել որպես «երկակի ստանդարտների քաղաքականություն»։ Մասնավորապես, Էրդողանը դժգոհ է Ֆրանսիայի գործողություններից։
«Մակրոն, ժամանակդ լրացել է... Դուք այն դիրքում չեք, որպեսզի մեզ թելադրեք մարդասիրության ձեր կանոնները», – հայտարարել է Թուրքիայի նախագահը։
Այդ կապակցությամբ նա նախատել է Ֆրանսիայի գործընկերոջը պատմություն չիմանալու մեջ։ Որպես օրինակ Էրդողանը նշել է Ֆրանսիայի գաղութային քաղաքականությունը, որը, նրա դիտարկմամբ, հարյուր հազարավոր մարդկանց մահվան պատճառ էր դառնում։
Հիշեցնենք՝ օգոստոսին Հունաստանի տարածքային ջրերում Թուրքիայի սուզանավ է հայտնաբերել։ Մինչ այդ Ֆրանսիան հունական կողմին աջակցելու նպատակով ռազմական տեխնիկա էր տեղափոխել Միջերկրական ծով։
