ԵՐԵՎԱՆ, 17 սեպտեմբերի — Sputnik. ՀՀ կառավարության այսօրվա նիստում որոշում կայացվեց Կոտայքի մարզում շարունակել դեռ 2016թ–ից ընդհատված Գեղարդալճի ինքնահոս ոռոգման համակարգի կառուցման շինարարական աշխատանքները։ Զեկուցմամբ հանդես եկավ ՀՀ տարածքային կառավարման և ենթակառուցվածքների նախարար Սուրեն Պապիկյանը։
«Հյուսիս-հարավը» և ոռոգման համակարգերը․ փոխնախարարը պատմել է` երբ կավարտեն աշխատանքները
Նա հիշեցրեց, որ ՀԲ–ի` «Ոռոգման համակարգերի արդյունավետության բարձրացման» վարկային ծրագիրի շրջանակներում իրականացվող ծրագիրն ընդհատվել էր Կոտայքի Գողթ համայնքի բնակիչների բողոքների պատճառով։
«Կոտայքի նախկին մարզպետի, ջրային կոմիտեի նախագահի ջանքերի շնորհիվ հնարավոր է եղել հասնել նրան, որ բնակիչներն արդեն եկել են կոմպրոմիսի, նրանց առաջարկները ևս ընդունվել են, ու հնարավոր է դարձել նրանց համաձայնությամբ ծրագիրը շարունակել»,– ասաց Պապիկյանը։
Նախարարի խոսքով` բնակիչների բողոքների պատճառով չի կառուցվել նախագծով նախատեսված 26.2 կմ երկարությամբ մայր խողովակաշարի կեսից ավելին` 1.925 կմ երկարությամբ հատվածը և գլխամասային ջրընդունիչ կառուցվածքը:
Գեղարդալճի ինքնահոս համակարգի նախնական նախագիծը մշակվել է դեռևս 2014 թվականին «Հայջրնախագիծ ինստիտուտ» ՓԲԸ-ի կողմից։
Իսկ շինարարությունը մեկնարկել էր 2015-16թթ–ին։
Այժմ, բնակիչների հետ համաձայնության գալուց հետո, շինաշխատանքները շարունակելու նպատակով ՀՀ կառավարությունը պետք է հայտարարի նոր մրցույթ։
Ոռոգման ինքնահոս համակարգի կառուցման ու շահագործման արդյունքում, Պապիկյանի խոսքով, կտնտեսվի մեծ քանակությամբ էլեկտրաէներգիա, իսկ Գեղարդալճից ինքնահոս եղանակակով հոսող ոռոգման ջրով կապահովվեն Կոտայքի մարզի Հացավան, Ողջաբերդ, Գեղադիր, Ջրվեժ և Ձորաղբյուր համայնքները:
Թուրքիան շարունակում է ջուր բաց թողնել Ախուրյանի ջրամբարից
Հիշեցնենք, որ Գողթ համայնքի բնակիչներն 2016թ–ից սկսած իրենց դժգոհությունն էին հայտնում Գեղարդալիճ ջրամբարի մոտ անցկացվող շինարարական աշխատանքներից։ Նրանք մի քանի անգամ փակել էին Գողթից դեպի Գեղարդ տանող ճանապարհը՝ պահանջելով դադարեցնել շինարարությունը։
Գողթեցիները պնդում էին, որ Գեղարդալճի ջուրը չի բավարարում անգամ իրենց գյուղի հողատարածքները ոռոգելուն։ Բացի այդ, գյուղացիները համոզված էին, որ ջուրն իրականում այլ նպատակներով են տանում։
Մասնավորապես, Գողթի բնակիչ Մարկոս Ղարիբյանի և Վերահսկիչ պալատի նախագահ Իշխան Զաքարյանի` գյուղից ներքև գտնվող մեծ այգիների հսկայական անջրդի հողատարածքները ոռոգելու համար։
Ինչ հարաբերությունների մեջ են Իշխան Զաքարյանն ու գործող իշխանությունը
