ԵՐԵՎԱՆ, 15 սեպտեմբերի – Sputnik. ՀԱՊԿ–ի խաղաղապահ ուժերի զորավարժությունները կկայանան Բելառուսում հոկտեմբերի 12-16-ը: Տեղեկությունը հայտնում է ՌԴ ՊՆ մամուլի ծառայությունը։
Նշվում է, որ մանևրումների ընթացքում կմշակվեն ՀԱՊԿ–ի կոլեկտիվ խաղաղապահ ուժերի խաղաղապահ գործողությունների նախապատրաստման և վարման հարցեր։
Հրամանատարաշտաբային զորավարժություններին կմասնակցեն Ռուսաստանի, Հայաստանի, Բելառուսի, Ղազախստանի, Ղրղզստանի և Տաջիկստանի ստորաբաժանումները։
Գործողությունները կկազմակերպվեն «Լոսվիդո» զորավարժարանում։
ՀԱՊԿ անդամ են Հայաստանը, Ռուսաստանը, Բելառուսը, Ղազախստանը, Ղրղզստանը և Տաջիկստանը։
Հիշեցնենք, որ ՀՀ ԶՈւ ստորաբաժանումները սեպտեմբերի 21-26-ը կմասնակցեն «Կովկաս 2020» ռազմավարական հրամանատարային զորավարժություններին։ Հայկական պատվիրակությունն արդեն Ռուսաստան է մեկնել։
