Սյունիքի մարզի «Շահապոնք» էկոզոնայում տեսախցիկը գորշ արջի զբոսանքն է ֆիքսել։ Վայրի բնության համաշխարհային հիմնադրամի (WWF) հայաստանյան գրասենյակը Facebook-ի իր էջում է հրապարակել գեղեցիկ տեսանյութը։
«Գորշ արջերի վտանգման հիմնական գործոններից մեկը որսագողությունն է։ Գրանցված են ՀՀ կարմիր գրքում», - ասված է հաղորդագրության մեջ ։
Տեսանյութի մեկնաբանություններում օգտատերերից մեկը ՝ Հովհաննես Հակոբյանը, պատմել է, որ սեպտեմբերի 12-ին արջին իր ձագերի հետ նկատել են Արարատի մարզի Շաղափ գյուղի մերձակայքում, մի տեղանքում, որը հայտնի է որպես «Սելիման բուլագ»։
«Նրանք եկել էին Ուրցի լեռնաշղթայի կողմից, ավերել գյուղացիներից մեկի խնձորի այգին և հետ գնացել դեպի լեռնաշղթա», – ականատեսների խոսքը մեջբերում է Հակոբյանը:
Նշենք, որ Կարմիր գրքում գրանցված գորշ արջին որսալու կամ սպանելու համար Հայաստանում նախատեսվում է տուգանք ՝ նվազագույն աշխատավարձի 400-600-ապատիկի չափով, կամ կալանք ՝ 2-3 ամիս:
Արջերը կատաղի գոտեմարտի են բռնվել ՌԴ–Չինաստան սահմանին. տեսանյութ
