ԵՐԵՎԱՆ, 13 սեպտեմբերի - Sputnik. Խնձոր օգտագործելիս պետք է որոշակի կանոնների հետևել։ Sohu չինական պարբերականի փոխանցմամբ՝ նման խորհուրդ է տալիս Պեկինի չինական բժշկության համալսարանի գլխավոր բժիշկ Չժան Չունժունը։
Նրա խոսքով՝ ամենաօգտակար տարբերակը խնձորը գոլորշու վրա պատրաստելն է կամ եփելը։ Այդ դեպքում սննդային արժեքն ավելի բարձր է, քան հում պտուղներում։
Միաժամանակ, Չունժունը խորհուրդ է տալիս չկենտրոնանալ միօրինակ ուտելիքի վրա, հետևել օրգանիզմում տարատեսակ նյութերի հավասարակշռությանը։
Ի՞նչ է տեղի ունենում օրգանիզմում, երբ ձմերուկ ենք ուտում
Չինացի բժիշկը նաև ընդգծում է, որ խնձորը չափազանց օգտակար է։
Այն ամրացնում է առողջությունը, կանխում է քաղցկեղի առաջացումը, կարգավորում է մարսողությունը, նպաստում է արյան մեջ շաքարի և լիպիդների պարունակության նվազեցմանը, բարձրացնում է օրգանիզմի դիմադրողականությունը։
