ԵՐԵՎԱՆ, 13 սեպտեմբերի Sputnik. Արդեն երկրորդ շաբաթն է, ինչ ԱՄՆ-ի Կալիֆոռնիա նահանգում մոլեգնում են անտառային խոշոր հրդեհները։ Դրանց հետևանքով Կալիֆոռնիայում ձևավորվել է կրակե տոռնադո։ Տեղեկությունը Facebook-ի իր էջում գրել է ՀՀ շրջակա միջավայրի նախարարության Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը և տեսանյութ հրապարակել։
Ականատեսներին հաջողվել է նկարահանել ավերիչ բնական երևույթը, որը լուրջ վտանգ է ներկայացնում մարդկանց համար։
Կադրերում երևում է, թե ինչպես է հեռվում պտտվում կրակե տոռնադոն։ Տեսանյութում լսվում է նաև հրշեջների մեքենաների ազդանշանների հուժկու ձայնը։
Խոշոր հրդեհ Կրասնոդարի բազմահարկ շենքերից մեկում. 300 բնակչի տարհանել են. տեսանյութ
Անտառային հրդեհների ընդհանուր մակերեսը կազմում է մոտ 2 մլն հեկտար: Ամենից շատ տուժել է Կալիֆոռնիան։
Հրդեհների հետևանքով ԱՄՆ–ում զոհվել է առնվազն 23 մարդ, որոնցից 19–ը ՝ Կալիֆոռնիայում։ Այրվել են հարյուրավոր տներ։
