ԵՐԵՎԱՆ, 11 սեպտեմբերի – Sputnik. Եվրասիական տնտեսական հանձնաժողովը կորոնավիրուսի համավարակի հետ կապված երկարաձգել է ԵԱՏՄ մաքսային տարածքում ֆիզիկական անձանց ավտոմեքենաների ժամանակավոր գտնվելու ժամկետը։ Համապատասխան որոշումը սեպտեմբերի 11-ին ընդունվել է ԵԱՏՀ խորհրդի կողմից, հայտնում է հանձնաժողովի մամուլի ծառայությունը։
Նշվում է, որ նման նախաձեռնությամբ հանդես է եկել Բելառուսը։
«Այդպիսով, ավտոմեքենա կամ այլ տեխնիկա ներկրած քաղաքացիները մինչև 2021թ.–ի մարտի 31-ն ազատված են դրանք ԵԱՏՄ–ից դուրս բերելու պարտավորությունից և, հետևաբար, չեն ընկնի վարչական միջոցների և մաքսային վճարների տակ», – ասվում է հաղորդագրության մեջ։
ԵԱՏՀ խորհուրդը որոշում է կայացրել նաև մինչև 2021 թվականի մարտի 31-ը դադարեցնել 18-ամսյա ժամկետի ընթացքը, երբ ԵԱՏՄ մշտական բնակության տեղափոխված անձանց, փախստականների, հարկադիր վերաբնակվածների կարգավիճակ ստացած օտարերկրյա քաղաքացիները կարող են անձնական գույքն արտոնյալ պայմաններով, առանց հարկման ներմուծել ԵԱՏՄ մաքսային տարածք։
ԵԱՏՄ-ում 2021 թվականին հակաբիոտիկներից «մաքուր» կաթ ու միս կհայտնվի․ ԵԱՏՀ նախարար
Որոշումը գործում է այն դեպքերի համար, որոնք եղել են կամ կլինեն 2020 թվականի մարտի 1-ից մինչև 2021 թվականի մարտի 31-ը։
Տվյալ որոշման ընդունումը պայմանավորված է նրանով, որ քաղաքացիները չեն կարող իրացնել իրենց իրավունքները և կատարել պարտավորությունները ԵԱՏՄ–ում կորոնավիրուսի դեմ պայքարին ուղղված միջոցառումների պատճառով։
ԵԱՏՀ–ն բոլոր պատնեշների միաժամանակյա չեղարկում է առաջարկել ԵԱՏՄ երկրների ղեկավարներին
