ԵՐԵՎԱՆ, 10 սեպտեմբերի — Sputnik. ՀՀ Անկախության օրվա կապակցությամբ սեպտեմբերի 21-ի երեկոյան Նիագարա ջրվեժը կլուսավորվի Հայաստանի դրոշի գույներով։ Տեղեկությունը Facebook–ի իրենց պաշտոնական էջում հայտնել է Կանադայում ՀՀ դեսպանությունը։
Դեսպանությունը սիրով հրավիրում է բոլոր ցանկացողներին ներկա գտնվելու միջոցառմանը, որը կմեկնարկի սեպտեմբերի 21–ի երեկոյան ժամը 10-ին և կտևի 15 րոպե։
Նախաձեռնությունն իրականացվում է Կանադայում ՀՀ դեսպանության և Նիագարա ջրվեժի լուսավորման խորհրդի համագործակցությամբ։
Նշենք, որ վերջին տարիներին Հայաստանի Անկախության տոնի կապակցությամբ հայկական եռագույնով են լուսավորվում նաև Թբիլիսիի հեռուստաաշտարակը, Դուբայի Բուրջ Խալիֆա աշտարակը, ինչպես նաև Լիտվայի կենտրոնական կամուրջները։
