ԵՐԵՎԱՆ, 9 սեպտեմբերի — Sputnik. Այսօր՝ սեպտեմբերի 9-ին, ողբերգական ավտովթար է տեղի ունեցել Սյունիքի մարզում: Վթարի հետևանքով 1 մարդ տեղում մահացել է, 1–ը` տեղափոխվել Սիսիանի բժշկական կենտրոն: Տեղեկությունը հայտնում է shamshuyan.com–ը։
«Ժամը 17:40-ի սահմաններում Subaru մակնիշի ավտոմեքենայի վարորդը Երևան-Մեղրի ավտոճանապարհի 182.3-րդ կիլոմետրում՝ ոլորապտույտ ճանապարհագոտում, դեռևս անհայտ հանգամանքներում մի քանի պտույտ գլորվել և հայտնվել է ճանապարհի երթևեկելի գոտում»,–գրում է կայքը:
Փաստի առթիվ հարուցվել է քրեական գործ՝ ՀՀ քր օրենսգրքի 242–րդ հոդվածի (Ճանապարհային երթևեկության և տրանսպորտային միջոցների շահագործման կանոնները խախտելը) 2-րդ մասի հատկանիշներով:
Ոստիկանությունն ու քննչական բաժինը պարզում են վարորդի, մահացածի և վիրավորի ինքնությունը:
Ինչ տեսք ունի Վրաստանում միկրոավտոբուսի սարսափելի վթարի վայրը․ տեսանյութ
