ԵՐԵՎԱՆ, 3 սեպտեմբերի - Sputnik. Ռուս երգիչ Միխայիլ Շուֆուտինսկին սեպտեմբերի 3-ը իսկական տոն է դարձրել իր համար։ Նա Instagram-ի իր էջում մի քանի տեսանյութ է տեղադրել՝ հիշեցնելով բոլորին իր «Третье сентября» հիթը։
Առաջին տեսանյութում նա մոդեռն բիթ է դրել երգի տակ՝ երիտասարդացնելով և ավելի ակտիվ դարձնելով երգը։ Եվս մեկ հումորային տեսանյութում նա «վախեցած» սպասում է սեպտեմբերի 3-ի գալուն։
Բացի այդ երգիչը խոստացել է ուղիղ եթերում ռուսաստանցիների հետ միասին կատարել երգը: Շուֆուտինսկին նշել է, որ առաջին անգամ է, որ այսօր՝ սեպտեմբերի երեքին, պլանավորված համերգ չունի։ Եվ այդպիսով համերգը կկայացնի իր սոցիալական էջում։
Միխայիլ Շուֆուտինսկին հայտնի ռուս էստրադային երգիչ է։ Նա 72 տարեկան է։ Երգիչը մի քանի անգամ համերգներով եղել է Երևանում։
