ԵՐԵՎԱՆ, 31 օգոստոսի – Sputnik. Առողջապահության համաշխարհային կազմակերպությունը (ԱՀԿ) կողմ է, որ երկրները բացեն սահմանները, բայց աղետից խուսափելու համար հորդորում է հետևել անվտանգության կանոններին։
«Մենք ուզում ենք տեսնել՝ ինչպես են երեխաները դպրոց գնում, մարդիկ էլ իրենց աշխատավայր վերադառնում։ Բայց մենք ուզում ենք տեսնել՝ ինչպես է այդ ամենն անվտանգ տեղի ունենում։ Որքան շատ են երկրները վերահսկում վարակը, այնքան շուտ կարող են չեղարկել կարանտինային միջոցները։ Առանց վերահսկողության բացվելն աղետի բաղադրատոմս է»,– լրագրողների հետ զրույցում ասել է ԱՀԿ գլխավոր տնօրեն Թեդրոս Գեբրեյեսուսը։
Նրա խոսքով՝ կյանքի բնականոն հուն վերադառանալուց առաջ պետությունները պետք է առնվազն չորս հիմնական քայլ ձեռնարկեն։
Հայտնի է` երբ կմեկնարկեն կորոնավիրուսի դեմ ռուսական պատվաստանյութի խոշոր մատակարարումները
Առաջին` սահմանափակեն վարակի փոխանցումը մարդանց մեծ խմբերի միջև։ Վարակման այդպիսի դեպքերը գրանցվում են միջոցառումների ժամանակ, այդ թվում՝ գիշերային ակումբներում, մարզադաշտերում, կրոնական խոշոր հավաքների ժամանակ։
Երկրորդ՝ պետք է պաշտպանեն վարակի համար առավելագույն խոցելի խմբերին՝ մահացությունը կրճատելու համար։
Գիտնականները կորոնավիրուսը կանխող վիտամին են հայտնաբերել
Երրորդ՝ յուրաքանչյուր մարդ պետք է իր ներդրումն ունենա հասարակության անվտանգության ապահովման հարցում` դիմակ դնի, հեռավորություն պահպանի ու լվանա ձեռքերը։ Չորրորդ՝ իշխանությունը պետք է քայլեր ձեռնարկի վարակակիրների բացահայտման, մեկուսացման, թեստավորման ու բուժման, նաև շփումներին հետևելու ուղղությամբ։
31 նոր դեպք` մեկ օրում. Հայաստանում կորոնավիրուսով վարակվածների թիվը դարձավ 43 781
