ԵՐԵՎԱՆ, 30 օգոստոսի – Sputnik. Արցախի Հանրապետությունում մի քանի օրվա ընդմիջումից հետո կրկին կորոնավիրուսով վարակման նոր դեպքեր են հաստատվել։ Ահ տեղեկատվական շտաբը, հղում անելով ԱՀ առողջապահության նախարարությանը, տեղեկացնում է, որ COVID-19 է հաստատվել 6 քաղաքացու մոտ:
«Վարակակիրներից 4-ը Ստեփանակերտ քաղաքից են, որոնցից 2-ը` նախկինում հաստատված օջախի կոնտակտավորներ, մյուս 2-ի մոտ վարակը հաստատվել է բուժհասատատություն դիմելիության ժամամանակ իրականացված հետազոտության ընթացքում, իսկ 2 դեպք էլ հայտնաբերվել է սահմանային անցակետում իրականացված ՊՇՌ հետազոտության արդյունքում: Վարակակիրները Բերձոր ու Մարտունի քաղաքից են»,- նշված է տարածած պաշտոնական հաղորդագրության մեջ:
Միաժամանակ, շտաբից տեղեկացնում են, որ Արցախում 10 քաղաքացի հաղթահարել է կորոնավիրուսը։
Նշենք, որ օգոստոսի 30-ի դրությամբ՝ կորոնավիրուս է հաստատվել 287 մարդու մոտ, որից 262-ն արդեն առողջացել են։ Փաստացի բուժում է ստանում 23, ընդհանուր մեկուսացված է 50 քաղաքացի:
Կորոնավիրուսի ախտորոշմամն նպատակով կատարվել է 10 139 փորձանմուշի հետազոտություն:
Կորոնավիրուսի թվերն աշխարհում. «հակավարկանիշի» որ հորիզոնականում է Հայաստանը
