ԵՐԵՎԱՆ, 30 օգոստոսի – Sputnik. Թայվանում օդապարուկների փառատոնի ժամանակ հսկայական նարնջագույն օդապարուկը երկինք է բարձրացրել 3 տարեկան աղջնակին, որը խճճվել է պարանների մեջ։ Լուրը հաղորդում է Associated Press-ը։
Terrifying moment a child at a kite festival in Hsinchu, northern Taiwan gets tangled up in a kite and lifted fifty feet up into the air. pic.twitter.com/YAPL545yAn
— Mike Fagan (@MikeFaganTaiwan) August 30, 2020
Ծնողները չեն նկատել, թե ինչպես է աղջիկը բռնել «օձի» պարանից։ Փոքրիկը օդապարուկից կախված բարձրացել է մոտ 10 մետր։
Մի քանի վայրկյան երեխան ճոճվել է օդում կատարվածից ցնցված ամբոխի աչքի առաջ, ապա գետնին ընկել։ Ծնողները պատմել են, որ փոքրիկը շոկի մեջ է եղել, բայց, բարեբախտաբար, մարմնական վնասվածքներ չի ստացել։ Միջադեպի պատճառով փառատոնն ընդհատվել է։
Ի դեպ, տարիներ առաջ նմանատիպ դեպք էր տեղի ունեցել Վիետնամում օդապարուկների փառատոնի ժամանակ։ Օդապարուկի պարանը փաթաթվել էր 4-ամյա տղայի ոտքերին, նրան երկինք բարձրացրել։ Ցավոք, այդ անգամ պատմության վերջաբանը բարի չէր. մոտ 20 մետր բարձրությունից տղան ընկել էր ու մահացել։
