Ակումբի անդամներ, առաջատար տնտեսագետներ Թաթուլ Մանասերյանն ու Աշոտ Թավադյանը ակումբի նախաձեռնությամբ վերջին երեք շաբաթների ընթացքում իրականացրել են ընթացիկ տնտեսագիտական հետազոտություն, որը թվով վեցերորդն է և կոչվում է «Հայաստանը 2020 թվականի առաջին կիսամյակում ԵԱՏՄ–ում անդամակցության համատեքստում»։
Արամ Սաֆարյանի խոսքով` հետազոտողներն ուսումնասիրել են Հայաստանի մակրոտնտեսական կարևոր ցուցանիշները, գործընթացները` ցույց տալով միտումներն ու կատարելով կանխատեսումներ, ինչը կօգնի փորձագիտական հանրությանը, որպեսզի ավելի հստակ պատկերացնեն, թե ինչպես համավարակն ազդեց Հայաստանի տնտեսության վրա, որ ոլորտներում կարելի է լավատեսորեն տրամադրվել, թափ հավաքել ու գնալ առաջ։
«Եզրակացության համաձայն` անցած վեց ամիսներին համավարակն ուղղակի ջախջախիչ ազդեցություն է ունեցել Հայաստանի տնտեսության հիմնական ճյուղերի վրա, անկումը կազմել է 4,7 տոկոս, բայց եթե համեմատության կարգով հիշեք 2009 թվականի տնտեսական ճգնաժամը, ապա այն ժամանակ անկումը կազմել էր 14 տոկոս»,– նշում է Եվրասիական փորձագիտական ակումբի համակարգող։
Մեկ ամսվա ընթացքում մոտ 3000 աշխատատեղ է բացվե՞լ. Փաշինյանը թվեր է հրապարակել
Սաֆարյանի խոսքով` այդուհանդերձ ընդհանուր մռայլ ցուցանիշների ֆոնին ԵԱՏՄ–ում մեր արտահանման գործընթացները, արտադրության և ներկրման ծավալները լավատեսություն են ներշնչում։
Աշոտ Թավադյանի դիտարկմամբ` ի տարբերություն գործընկերների, մեր փոխարժեքը գտնվում է կայուն վիճակում, և երկար տարիների ընթացքում առաջին անգամ վերաֆինանսավորման տոկոսադրույքը դրամի կայունության պայմաններում նվազել է, 5 տոկոսից ցածր է, ինչը թույլ է տվել քայլ անել թանկ փողերի քաղաքականությունից դեպի նորմալ փողերի քաղաքականություն, իսկ հետագայում հնարավոր կլինի անցնել նաև ցածր փողերի քաղաքականության։
«Համավարակն իհարկե ազդել է մեզ վրա, բայց հիմա մենք գտնվում ենք արդյունաբերության աճի շրջանում, ուստի կարող ենք ասել, որ մինչև տարեվերջ հատկապես մեր արտահանումը նույնիսկ 2-5 տոկոսի չափով կաճի»,– նշում է տնտեսագիտության պրոֆեսորը։
Ըստ Թավադյանի` համավարակի տարածման պայմաններում ԵԱՏՄ–ի անդամակցության հանգամանքը էապես օգնել է Հայաստանին որոշ չափով հաղթահարելու կորոնովիրուսի հետևանքները։ Երկու բանախոսներն էլ պնդում են այն հանգամանքը, որ ներկա պայմաններում, երբ Հայաստանի ներկրումը երեք անգամ գերազանցում է արտահանմանը, մեր կառավարությունը պետք է վարի այնպիսի քաղաքականություն, որը կնպաստի արդյունաբերական ու գյուղատնտեսական պատրաստի արտադրանքի աճին` ապրանքները դրսում սպառելու միտումով։ Ըստ նրանց` ԵԱՏՄ սպառողական շուկաները լայն հնարավորություններ են ընձեռում Հայաստանին` մեծացնելու արտահանմանը միտված արտադրությունները։
Որքանով են վտանգավոր պետական պարտքի կուտակումները. կորոնավիրուսն ու կառավարության ծրագրերը
