Սեպտեմբերի 5-ին Հայաստանի ազգային հավաքականն իր առաջին պաշտոնական խաղն է անցկացնելու Խոակին Կապառոսի գլխավորությամբ: Ազգերի լիգայի մրցաշարում մեր ընտրանին սեփական հարկի տակ հանդես կգա նաև դրանից երեք օր անց՝ սեպտեմբերի 8-ին:
Հայաստանի ազգային հավաքականի գլխավոր մարզիչ Խոակին Կապառոսը բնականաբար հիմնականում հենվելու է մեր հավաքականի կորիզը հանդիսացող մի շարք ֆուտբոլիստների վրա, բայց արդեն գիտենք, որ ընտրանու կազմում կարող են լինել ֆուտբոլիստներ, որոնք իրենց նորամուտը կնշեն հավաքականի կազմում:
Իսպանացի Խոակին Կապառոսը բավականին ժամանակ ուներ Հայաստանի հավաքականի հավանական թեկնածուների խաղին հետևելու համար: Բայց թե ինչ ընտրություն է կատարել մարզիչը, դեռևս հայտնի չէ: Դարպասապահի դիրքում մեծ ընտրության հնարավորություն կարծես թե չկա:
Ինչու Բերեզովսկուն չհաջողվեց իրագործել «Փյունիկի» հետ կապված ծրագրերը․ բացառիկ հարցազրույց
Կանցկացնի՞ արդյոք իր առաջին խաղը հավաքականի կազմում Դավիթ Յուրչենկոն, որն ընտրանու կազմում հանդես գալու համաձայնությունը վաղուց է տվել: Յուրչենկոն, որը խաղում է Կարագանդայի «Շախտյորի» կազմում, Ղազախստանի առաջնության հինգ խաղերից մասնակցել է երեքին:
![Կապառոսի նորամուտը. ովքե՞ր կարող են խաղալ Հայաստանի ազգային հավաքականում Կապառոսի նորամուտը. ովքե՞ր կարող են խաղալ Հայաստանի ազգային հավաքականում - Sputnik Արմենիա](https://cdn.am.sputniknews.ru/img/734/11/7341128_0:0:3006:2047_600x0_80_0_0_6d736c33ed9984923b4d4abaf8b0ca42.jpg)
Բացի նրանից, հավաքականում ամենայն հավանականությամբ կլինի Արամ Հայրապետյանը, որը մինչև Յուրչենկոյին հրավիրելը մեր հավաքականի հիմնական դարպասապահն էր:
![Կապառոսի նորամուտը. ովքե՞ր կարող են խաղալ Հայաստանի ազգային հավաքականում Կապառոսի նորամուտը. ովքե՞ր կարող են խաղալ Հայաստանի ազգային հավաքականում - Sputnik Արմենիա](https://cdn.am.sputniknews.ru/img/2111/37/21113758_0:0:1600:1065_600x0_80_0_0_21f779de14b288c2f8d3f923a340b405.jpg)
Իսկ ահա երրորդ դարպասապահին անհամեմատ դժվար է գուշակելը։ Անատոլի Այվազով, Արսեն Բեգլարյան, Հենրի Ավագյան, Գևորգ Կասպարով, Գրիգոր Մելիքսեթյան. այս ֆուտբոլիստներից յուրաքանչյուրը կարող է հրավիրվել հավաքական, կամ էլ ընտրությունը մեզ համար կարող է անակնկալ լինել:
Պաշտպանությունում ամենայն հավանականությամբ մենք կտեսնեք չորս պաշտպանի: Անկախ նրանից, որ Վարազդատ Հարոյանը «Ուրալի» անցկացրած չորս խաղերից մեկին է մասնակցել, դժվար է պատկերացնել, որ նա չի խաղա հավաքականում:
![Կապառոսի նորամուտը. ովքե՞ր կարող են խաղալ Հայաստանի ազգային հավաքականում Կապառոսի նորամուտը. ովքե՞ր կարող են խաղալ Հայաստանի ազգային հավաքականում - Sputnik Արմենիա](https://cdn.am.sputniknews.ru/img/1423/15/14231573_0:0:1600:1068_600x0_80_0_0_208de04f97ed09fd3d16df45c479b18c.jpg)
Հարոյանի կողքին տարբերակ է Անդրե Կալիսիրին: Հովհաննես Համբարձումյանը կարող է խաղալ պաշտպանության աջ եզրում, իսկ Գագիկ Դաղբաշյանը` ձախ: Բնականաբար, Կապառոսը կարող է նաև այլ տարբերակ ընտրել: Բայց պաշտպանությունում տարբերակները, հավատացեք, քիչ են:
Իսկ ահա կիսապաշտպանական գծում մենք բավականին մեծ ընտրություն ունենք:
Նախ սպասվում է Խորեն Բայրամյանի նորամուտը: Անկասկած, այս ֆուտբոլիստը կարող է մեր ընտրանուն շատ օգտակար լինել:
![Կապառոսի նորամուտը. ովքե՞ր կարող են խաղալ Հայաստանի ազգային հավաքականում Կապառոսի նորամուտը. ովքե՞ր կարող են խաղալ Հայաստանի ազգային հավաքականում - Sputnik Արմենիա](https://cdn.am.sputniknews.ru/img/07e4/07/13/23807319_0:0:1600:1004_600x0_80_0_0_2e3fd6c2608ac257fd443272fee422ea.jpg)
Շատ բան է կախված նրանից, թե որ դիրքում կխաղա հավաքականի առաջատար Հենրիխ Մխիթարյանը, և ինչ տակտիկական մարտավարությամբ է գործելու թիմը:
![Կապառոսի նորամուտը. ովքե՞ր կարող են խաղալ Հայաստանի ազգային հավաքականում Կապառոսի նորամուտը. ովքե՞ր կարող են խաղալ Հայաստանի ազգային հավաքականում - Sputnik Արմենիա](https://cdn.am.sputniknews.ru/img/07e4/08/07/24023180_0:0:1600:1067_600x0_80_0_0_8d445859d96b88a7f4f71d9ed758c27d.jpg)
Վերջերս ձախողվեց հավաքական հրավիրված նորեկներից Սոլոմոն Իմե Ուդոնյի տեղափոխությունը Ղազախստան: Արդյո՞ք նա այս պահին կարող է օգնել մեր թիմին: Ինչպիսի՞ մարզավիճակում է Ուդոն:
Այս հարցի պատասխանը գիտի մարզիչը: Հենակետային դիրքում կարող ենք տեսնել ևս մեկ նորեկի՝ Վբեյմար Անգուլոյին: Հակառակ դեպքում Կապառոսը նրան հավաքականի թեկնածու չէր ընտրի: Բայց հենակետային գոտում մենք ունենք բավականին հարուստ ընտրություն՝ Ռումյան Հովսեփյան, Արտակ Գրիգորյան, Գոռ Մալաքյան:
![Կապառոսի նորամուտը. ովքե՞ր կարող են խաղալ Հայաստանի ազգային հավաքականում Կապառոսի նորամուտը. ովքե՞ր կարող են խաղալ Հայաստանի ազգային հավաքականում - Sputnik Արմենիա](https://cdn.am.sputniknews.ru/img/2013/39/20133908_0:0:1620:1080_600x0_80_0_0_c07103ea52c4cbfb9b9cc9647fbef3eb.jpg)
Մի խոսքով` մարզչի գործն է: Եզրերից մեկում հաստատ խաղալու է Կամո Հովհաննիսյանը, որի թեկնածությունը կասկած չի հարուցում:
![Կապառոսի նորամուտը. ովքե՞ր կարող են խաղալ Հայաստանի ազգային հավաքականում Կապառոսի նորամուտը. ովքե՞ր կարող են խաղալ Հայաստանի ազգային հավաքականում - Sputnik Արմենիա](https://cdn.am.sputniknews.ru/img/2031/91/20319123_0:0:1204:802_600x0_80_0_0_f6711664707a63e5d2844ba304037bed.jpg)
Արաս Օզբիլիսն ու Գևորգ Ղազարյանը նույնպես թեկնածուների թվում կլինեն, բայց Խորեն Բայրամյանի հետ մեկտեղ ստացվում է բավականին բարձր մրցակցություն, ու այստեղ էլ ընտրությունը պատկանելու է մարզչին:
![Կապառոսի նորամուտը. ովքե՞ր կարող են խաղալ Հայաստանի ազգային հավաքականում Կապառոսի նորամուտը. ովքե՞ր կարող են խաղալ Հայաստանի ազգային հավաքականում - Sputnik Արմենիա](https://cdn.am.sputniknews.ru/img/1907/96/19079655_0:0:1600:1114_600x0_80_0_0_a0a06bcacbe2af5f702f589ba5c23f5e.jpg)
Չէ՞ որ բացի նշված ֆուտբոլիստներից, ամենայն հավանականությամբ դիտարկվել են նաև Էդգար Բաբայանի, Արտյոմ Սիմոնյանի թեկնածությունները:
![Կապառոսի նորամուտը. ովքե՞ր կարող են խաղալ Հայաստանի ազգային հավաքականում Կապառոսի նորամուտը. ովքե՞ր կարող են խաղալ Հայաստանի ազգային հավաքականում - Sputnik Արմենիա](https://cdn.am.sputniknews.ru/img/1507/15/15071586_0:0:1600:1068_600x0_80_0_0_ef45aa19eea311c0bb3d5bcbfbe93bb5.jpg)
Հարձակման գծում Կապառոսի ընտրության շրջանակներն այնքան էլ մեծ չեն: Տիգրան Բարսեղյանն արդեն հինք խաղ անցկացրել է «Աստանայի» կազմում, Արշակ Կորյան «Խիմկիի» բոլոր հանդիպումներին մասնակցել է:
![Կապառոսի նորամուտը. ովքե՞ր կարող են խաղալ Հայաստանի ազգային հավաքականում Կապառոսի նորամուտը. ովքե՞ր կարող են խաղալ Հայաստանի ազգային հավաքականում - Sputnik Արմենիա](https://cdn.am.sputniknews.ru/img/1102/82/11028269_0:0:1565:1000_600x0_80_0_0_a325f596ba92bb8e54fad14926769ad7.jpg)
Սարգիս Կարապետյանը «Տամբովի» կազմում մասնակցել է հինգ հանդիպման: Նորբերտո Բրիասկո Բալեկյանը, կարծում ենք, նույնպես հայտնվել է մարզիչների տեսադաշտում:
Նոր ֆուտբոլիստներ այս դիրքում էլի կարող են լինել, բայց Կապառոսը հազիվ թե մեծ ռիսկի գնա, քանի որ նոր ֆուտբոլիստներով հանդես եկող հավաքականին կարող է խանգարել խաղակցվածության պակասը:
Իսկ վերջում նշենք, որ Հայաստանի հավաքականի կազմում առաջիկա խաղերում չեն լինի Էդգար Մանուչարյանը (որը հայտարարել է իր կարիերայի ավարտի մասին), Յուրա Մովսիսյանն ու Լևոն Հայրապետյանը, որոնք չնայած Մանուչարյանի պես հայտարարություն չեն արել, սակայն երկար ժամանակ է` չեն խաղում:
![Կապառոսի նորամուտը. ովքե՞ր կարող են խաղալ Հայաստանի ազգային հավաքականում Կապառոսի նորամուտը. ովքե՞ր կարող են խաղալ Հայաստանի ազգային հավաքականում - Sputnik Արմենիա](https://cdn.am.sputniknews.ru/img/1513/51/15135102_0:0:1600:1064_600x0_80_0_0_ed3cf31e73fa9b19263136915fbd016c.jpg)
Կառլեն Մկրտչյանը նույնպես այս ֆուտբոլիստների թվին է պատկանում: Առայժմ անհայտ է Գաել Անդոնյանի ֆուտբոլային ճակատագիրը, նա արդեն երկար ժամանակ է, ինչ հավաքական չի հրավիրվում խաղային պրակտիկայի բացակայության պատճառով: Վնասվածքի պատճառով բացակայում են Էրիկ Վարդանյանն ու Սարգիս Ադամյանը:Մեր տեղեկություններով` հրավեր չեն ստացել Պետրոս Ավետիսյանն ու Արման Հովհաննիսյանը: Հավաքականի մարզչական շտաբի հիմնական աշխատանքը կորոնավիրուսի համավարակի ընթացքում եղել է ֆուտբոլիստների ընտրության հարցը:
![Կապառոսի նորամուտը. ովքե՞ր կարող են խաղալ Հայաստանի ազգային հավաքականում Կապառոսի նորամուտը. ովքե՞ր կարող են խաղալ Հայաստանի ազգային հավաքականում - Sputnik Արմենիա](https://cdn.am.sputniknews.ru/img/1221/87/12218731_0:0:1600:1065_600x0_80_0_0_b17d805477b6322b8629100e6c0b2aee.jpg)
Այնպես որ, մենք հրավիրված ֆուտբոլիստների մեջ կարող ենք ունենալ նաև այլ անուններ: Չէ՞ որ ամեն ինչ կախված է ֆուտբոլիստի խաղային պրակտիկայից և մարզավիճակից:
Չենք բացառում, որ հավաքականում խաղալու հրավեր կստանան նաև Հայաստանի առաջնության մասնակից ֆուտբոլիստներ: