ԵՐԵՎԱՆ, 26 օգոստոսի - Sputnik. Թոքերի արհեստական շնչառության սարքերի նախագծման մրցույթի համար Բարձր տեխնոլոգիական արդյունաբերության նախարարության նախաձեռնությամբ և կառավարության որոշմամբ 90 մլն դրամ ինժեներական ասոցիացիային։ Տեղեկությունն այսօր կայացած ասուլիսի ժամանակ հայտնեց ԲՏԱ նախարար Հակոբ Արշակյանը։
«Մրցույթի արդյունքում հաղթող է ճանաչվել YEA Ingineering ընկերությունը, որը ներկայացրել է թոքերի արհեստական շնչառության սարքերի նախագծման, մակետային նախատիպի մշակման, լաբորատոր փորձարկման, համակարգի նախագծման և 5 օրինակ ինժեներական նմուշի մշակման կոնստրուկտորական փաստաթղերի ձևավորման ամբողջական փաթեթ»,–ասաց նա։
Նախարարի խոսքով` ընկերությունը լիցենզիա է ստացել NASA Jet Propulsion Laboratory–ի կողմից`մշակելու և արտադրելու կորոնավիրուսի բուժման դեմ կիրառվող թոքերի արհեստական օդափոխման սարքեր։ Լիցենզավորման մրցույթին 42 երկրներից 330 ընկերություն են դիմել, որոնցից 28-ին է հաջողվել այդ լիցենզիան ստանալ։
Տավուշյան մարտերից հետո հայկական ռազմարդյունաբերության նկատմամբ հետաքրքրությունը մեծացել է
Արշակյանը հայտնեց` այժմ աշխատանքներ են կատարվում տարբեր ուղղություններով են . մակետային նախատիպի մշակման աշխատանքները կավարտվեն սեպտեմբերի 3-ին, զուգահեռաբար իրականցվում է համակարգի ընդհանուր նախագծումը, որն էլ նախատեսվում է ավարտին հասցնել հոկտեմբերի 16-ին։
Վերջին գործողությունը համակարգի նկատմամբ տեխնիկական պահանջների ձևավորման գործընթացն է. փորձարկման համար ակնկալվում է թոքերի սիմուլյատոր բերել Հայաստան։ Այդ նպատակով որպես կանխավճար 35 մլն դրամ է հատկացվել։
Հիշեցնենք՝ ավելի վաղ Արշակյանը հայտնել էր, որ հնարավորություն կլինի ամսական արտադրել 40-50 սարք: Նրա խոսքով` կորոնավիրուսի դեմ պայքարի շրջանակում նախարարության հայտարարած թոքերի արհեստական շնչառական սարքերի ստեղծման գաղափարների մասնագիտական ուսումնասիրության, նախագծման աշխատանքների գործընթաց, և ստացվել են 300 հայտ ու առաջարկ:
