Համացանցում է հայտնվել տեսանյութ, որտեղ երևում է, թե Վրաստանում որտեղ է եղել 17 մարդու մահվան պատճառ դարձած ողբերգությունը։
Օգոստոսի 23-ին վրացական Շատիլ շրջանում (Խևսուրեթի, Մցխեթ-Մթիանեթի մարզ) խոշոր ճանապարհատրանսպորտային պատահար էր տեղի ունեցել։ Միկրոավտոբուսն ընկել էր քարքարոտ լանջից՝ 80 մետր բարձրությունից։ Վթարի հետևանքով 17 մարդ էր մահացել, երեքը լուրջ վնասվածքներ էին ստացել։
Վրաստանի ՆԳՆ-ն քննություն է սկսել Վրաստանի ՔՕ 276 հոդվածով (Երթևեկության անվտանգության կամ տրանսպորտի շահագործման կանոնների խախտում, որն առողջությանը ծանր վնաս է հասցրել)։
Վրաստանի իշխանությունը օգոստոսի 25-ը սգո օր է հայտարարել։
Վրաստանի վարչապետ Գեորգի Գախարիայի հանձնարարությամբ՝ օգոստոսի 25-ին երկրի ամբողջ տարածքում պետական դրոշներ են խոնարհվելու։
