ԵՐԵՎԱՆ, 22 օգոստոսի - Sputnik. South West Aviation ավիաընկերության բեռնատար ինքնաթիռը թռիչքից րոպեներ անց կործանվել է Սուդանի հարավային հատվածում։ Տեղեկությունը հայտնում է Anadolu-ն։
Աղբյուրի տվյալներով՝ միջադեպը տեղի է ունեցել մայրաքաղաք Ջուբայի մոտակայքում՝ Կեմիրու լեռան գագաթի շրջանում։ Նախնական տվյալների համաձայն՝ ինքնաթիռը ֆերմայի վրա է ընկել, այնտեղ կարող են զոհեր լինել։ Դատելով Twitter –ում հրապարակված լուսանկարներից՝ ինքնաթիռը մասնատվել ու հրդեհվել է։
Ջուբայի օդանավակայանի ներկայացուցիչը հայտնել է, որ ինքնաթիռում ութ մարդ է եղել։ Բայց զոհվածների մասին հստակ տվյալներ դեռ չկան։
Ականատեսները գործակալությանը ասել են, որ արտակարգ ծառայությունները մի տուժածի հիվանդանոց են տեղափոխել, վեց մարդու դի է հայտնաբերվել։
