ԵՐԵՎԱՆ, 18 օգոստոսի — Sputnik. Այսօր առավոտյան թուրք հաքերները հարձակում են գործել հունական Արևելյան Մակեդոնիա ու Թրակիա շրջանի կայքի վրա։ Տեղեկությունը հայտնում է ՌԻԱ Նովոստին։
Կիբեռհանցագործները հրապարակել են կայքում OrucReis նավի լուսանկարը։ Նավը սեյսմիկ հետախուզություն է իրականացնում Միջերկրական ծովի վիճելի շրջանում։ Նրանք նաև հաղորդագրություն են հրապարակել․ «Մենք ունենք բանակ, որը սիրում է մահն ու նահատակությունը, նույնքան ուժեղ, որքան դուք սիրում եք «Երկնագույն հայրենիքի» խաղաղությունը»։
«Երկնագույն հայրենիքի» դոկտրինը Թուրքիայում կապված է Էգեյան ու Միջերկրական ծովերի ընդարձակ ծովային իրավասության հավակնությունների հետ։
Հաքերները կոտրել են նաև 424-րդ Ընդհանուր ռազմաուսումնական հոսպիտալի կայքն ու այնտեղ OrucReis-ի լուսանկարը հրապարակել։
Օրեր առաջ թուրք հաքերները կոտրել էին նաև Հունաստանի աշխատանքի նախարարության կայքն ու հաղորդագրություն են թողել․ «OrucReis-ի վրա ձեր կատարած ցանկացած հարձակում համացանցում պատասխան է ստանալու»։
Չինացի հաքերները թիրախավորել են Նուբար Աֆեյանի ընկերության COVID-19–ի դեմ պատվաստանյութը
Նշենք, որ վերջին օրերին թուրք-հունական հարաբերությունները կրկին սրվել են։ Թուրքիան հաղորդել է, որ իր OruçReis նավը Արևելյան միջերկրածովյան սեյսմիկ հետազոտություններ է սկսել այն շրջանում, որը Հունաստանը համարում է իր բացառիկ տնտեսական գոտին: Սեյսմիկ հետախուզման մասին Navtex-ի ծանուցման հրապարակումից կարճ ժամանակ անց հայտարարվել է Հունաստանի ազգային անվտանգության խորհրդի նիստ գումարելու մասին: Հունաստանի զինված ուժերը բերվել են բարձր մարտական պատրաստության։ Թուրքիայի նախագահ Ռեջեփ Թայիփ Էրդողանը նշել է, որ իր երկիրը կշարունակի միջերկրածովյան սեյսմահետախուզությունն ու անպատասխան չի թողնի թուրքական նավերի վրա Հունաստանի ցանկացած հարձակում:
«Մենք թիկունքում ենք և ձեր մեջ». հայերը պատասխան հարված են հասցրել ադրբեջանցի հաքերներին
ԶԼՄ-ների հաղորդմամբ՝ օգոստոսի 12-ին միջադեպ է տեղի ունեցել․ Limnos (F-451) հունական ֆրեգատն ու Kemalreis (F-247) թուրքական ֆրեգատը «առնչվել» են Արևելյան Միջերկրական ծովում մանևրերի ժամանակ։ Թուրքական ֆրեգատը գտնվում է OruçReis-ի վերահսկողության ներքո։
