ԵՐԵՎԱՆ, 17 օգոստոսի – Sputnik. Հայաստանի հավաքականը քառասուն այլ թիմերի հետ կմասնակցի Շախմատի համաշխարհային առաջին առցանց օլիմպիադային։ ՌԻԱ Նովոստիի փոխանցմամբ՝ եզրափակիչ փուլի մասնակիցները որոշվել են երեկ։
Օգոստոսի 16-ին կայացած երկրորդ դիվիզիոնի ամփոփիչ խաղերի արդյունքում առցանց օլիմպիադայի եզրափակիչ են դուրս եկել 15 թիմ` Բուլղարիայի, Գերմանիայի, Ինդոնեզիայի, Հունաստանի, Ռումինիայի, Սլովակիայի․ Իսպանիայի, Նիդեռլանդների, Իտալիայի, Թուրքիայի, Խորվաթիայի Նորվեգիայի, Հունգարիայի, Անգլիայի ու Արգենտինայի հավաքականները։
Նրանք կմիանան մյուս 25 թիմերին, որոնց շարքում են Հայաստանի, Ռուսաստանի, Չինաստանի, Ուկրաինայի, ԱՄՆ-ի, Հնդկաստանի ու Ադրբեջանի հավաքականները։
Շախմատի համաշխարհային առցանց օլիմպիադայի եզրափակիչ փուլը տեղի կունենա օգոստոսի 21-ին։
