ԵՐԵՎԱՆ, 11 օգոստոսի – Sputnik. Բելառուսի նախագահի թեկնածու Սվետլանա Տիխանովսկայան ներկա պահին գտնվում է Լիտվայում։ Տեղեկությունը Twitter-ի իր էջում հայտնել է երկրի արտգործնախարար Լինաս Լինկյավիչյուսը։
Svetlana #Tikhanovskaya is safe. She is in #Lithuania. pic.twitter.com/6f9U2meoX0
— Linas Linkevicius (@LinkeviciusL) August 11, 2020
«Սվետլանա Տիխանովսկայային վտանգ չի սպառնում, նա Լիտվայում է»,-գրել է նա։
Կիրակի՝ օգոստոսի 9-ին, Բելառուսում կայացել են նախագահական ընտրություններ։ Պաշտոնական տվյալներով՝ ընտրություններում հաղթել է գործող նախագահ Ալեքսանդր Լուկաշենկոն: Նրա օգտին քվեարկել Է ընտրողների 80,23 տոկոսը: Լուկաշենկոյի հիմնական մրցակից Սվետլանա Տիխանովսկայի օգտին քվեարկել է ընտրության մասնակիցների 9,90 տոկոսը: Քվեարկության ավարտից հետո երկրում սկսվել են զանգվածային բողոքի ակցիաներ և ոստիկանության հետ բախումներ. կա մեկ զոհ:
