ԵՐԵՎԱՆ, 7 օգոստոսի - Sputnik. Պլաստիկ վիրաբույժ, «Women’s Сlub»-ի մասնակից Սիրուն Մինասը կարծում է, որ վրացական խինկալին Երևանում ավելի համեղ է, քան Թբիլիսիում։
«Ինձ համար Երևանում խինկալիներն ավելի համեղ են, քան Թբիլիսիիում... Երևի մեր ջրից է»,- Instagram-ի իր էջում գրել է Սիրունն ու սիրուն լուսանկար հրապարակել։ Լուսանկարում երևում է, թե ինչպես է նա ախորժակով խինկալի ուտում և դա անում է, ինչպես ասում են, ճիշտ, ավանդական ձևով՝ ոչ թե դանակ–պատառաքաղով, այլ ձեռքով։
Посмотреть эту публикацию в Instagram
Սիրունի հետևորդներից շատերն են համաձայնել նրա հետ։ Իսկ մեկն էլ նույնիսկ հավելել է, թե մեզ մոտ աջարական խաչապուրին էլ է ավելի համեղ, քան հարևան երկրում։ Միգուցե հաջորդ անգամ Սիրունի «գաստրոնոմիկ փորձաքննությունը» հենց աջարական խաչապուրու վերաբերյալ լինի։
Հիշեցնենք՝ Սիրուն Մինասը հուլիսի 14-ին լույս աշխարհ բերեց առաջնեկին։
Սիրուն Մինասն ու Ռաֆայել Վարդանյանն ամուսնացել են 2018 թվականի հունիսին։
Սիրուն Մինասի հայրն անգլիական արմատներով հայ է, ծնվել ու մեծացել է Հնդկաստանում, մայրը նիգերիացի է։ Հենց այդ խառնուրդի շնորհիվ է, որ նա այսքան էկզոտիկ ու չափազանց գրավիչ արտաքին ունի։
Բժշկուհին աչքի է ընկնում նաև հումորի զգացումով։ Նա հայտնի է դարձել հայկական հեռուստատեսությամբ «Stand Up» շոուի ելույթների շնորհիվ, մասնակցում է «Woman’s Club» հումորային ծրագրին։ Ի դեպ, նրա ամուսինը՝ Ռաֆայել Վարդանյանը, նույնպես բժիշկ է։
Gucci–ի հայ մոդելը դարձել է հայրենական դիզայների նոր հավաքածուի դեմքը
