Օգոստոսի 4-ի երեկոյան Լիբանանի մայրաքաղաքի նավահանգստում տեղի ունեցած հզոր պայթյունը առնվազն 100 մարդու կյանք է խլել, ավելի քան 4 հազար մարդ տուժել է:
Զոհերի թիվը կարող է աճել. փլատակներում շարունակվում են որոնողական աշխատանքները։ Երկրի մայրաքաղաքում արտակարգ դրություն Է հայտարարվել։ Հատուկ հանձնաժողովը ողբերգության պատճառների մասին զեկույց կներկայացնի առաջիկա հինգ օրվա ընթացքում:
Բեյրութի քաղաքապետն արտասվել է, երբ խոսել է պայթյունի զոհերի մասին. տեսանյութ
Հիշեցնենք` օգոստոսի 4-ին Բեյրութի նավահանգստի շրջանում հզոր պայթյուն է որոտացել։ Վերջին տվյալներով՝ պայթյունի հետևանքով ավելի քան 100 մարդ է մահացել, ավելի քան 4 հազարը` տուժել: Մահացածների թվում նաև 6 հայ կա, ևս հարյուր հայեր վնասվածքներ են ստացել։
Լիբանանի վարչապետ Հասան Դիաբը կարգադրել է հետաքննել պայթյունի պատճառներն ու 48 ժամվա ընթացքում պատասխանատվության ենթարկել մեղավորներին։ Նախնական տեղեկություններով` պայթյունի պատճառը նավահանգստի պահեստներում պահվող 2700 տոննա ամոնիումի սելիտրան է եղել։
Բեյրութում սուգ է հայտարարվել:
