ԵՐԵՎԱՆ, 5 օգոստոսի - Sputnik. Տավուշի մարզի Բերդավան և Այգեպար գյուղերի փողոցները հիմնանորոգվում են։ Տեղեկությունը հայտնում է ՀՀ տարածքային կառավարման և ենթակառուցվածքների նախարարությունը։
Փաշինյանը հրապարակել է սահմանամերձ Մովսես գյուղ տանող ճանապարհին նկարահանված տեսանյութը
«Մասնավորապես‚ «Տավուշ ՃՃՇ» ՓԲԸ-ի կողմից հիմնանորոգվում է Այգեպարի 2 կմ երկարությամբ փողոցը։ Բերդավանում հիմնանորոգվում են ներհամայնքային երկու փողոցների 2,1 կմ երկարությամբ հատվածները»,–ասվում է նախարարության ֆեյսբուքյան էջում հրապարակված հաղորդագրության մեջ։
Նշվում է, որ շինարարության շրջանակում նախատեսված են հողային աշխատանքներ, կողնակների հարթեցում և լրացում, ջրահեռացման համակարգերի հիմնանորոգում, նշանների, ասֆալտբետոնե ծածկի տեղադրում‚ գծանշում և այլ աշխատանքներ։
Շինարարական աշխատանքներն իրականացվում են ՀՀ պետական բյուջեի հատկացումներով։
