ԵՐԵՎԱՆ, 2 օգոստոսի - Sputnik. Մոտ 160 ռուսաստանցի Երևան-Մոսկվա հատուկ չվերթով վերադարձել է տուն։ Տեղեկությունը հայտնում է Հայաստանում Ռուսաստանի դեսպանատան մամուլի ծառայությունը։
«Օգոստոսի 2-ին NordStar ավիաընկերությունն իրականացրել է Երևան-Մոսկվա չվերթը, որով հայրենիք է վերադարձել 158 ռուսաստանցի»,- նշված է դեսպանության տարածած հաղորդագրության մեջ։
ՌԴ դիվանագիտական ներկայացուցչությունը տեղեկացնում է, որ չվերթն իրականացվել է ռուսաստանցիներին հայրենիք վերադարձնելու աշխատանքի շրջանակում՝ ՌԴ նախարարությունների և գերատեսչությունների համագործակցությամբ և ՌԴ կառավարությանը կից օպերատիվ շտաբի գլխավորությամբ:
Հայաստանից հայրենիք են վերադարձել ևս 98 ռուսաստանցիներ
Դեսպանատան տվյալներով, մարտի 1-ից մինչև օրս, Հայաստանից Ռուսաստան է մեկնել ընդհանուր առմամբ 3554 քաղաքացի։ Ռուսաստանցիներին տուն վերադարձնելուն ուղղված կազմակերպչական աշխատանքները շարունակվում են։
