ԵՐԵՎԱՆ, 1 օգոստոսի — Sputnik. Տավուշի մարզպետ Հայկ Չոբանյանը հայտնում է, որ հակառակորդի հրետակոծությունից ամենից շատ տուժած գյուղում` Այգեպարում, վնասված տներից մի քանիսն արդեն ամբողջությամբ վերականգնված են։ Նա այսօր շրջել է գյուղում և ծանոթացել շինարարական աշխատանքների ընթացքին։
![Հակառակորդի հրետակոծությունից ամենաշատը տուժած գյուղում արդեն մի քանի տուն վերականգնվել է Հակառակորդի հրետակոծությունից ամենաշատը տուժած գյուղում արդեն մի քանի տուն վերականգնվել է - Sputnik Արմենիա](https://cdn.am.sputniknews.ru/img/07e4/08/01/23959857_0:0:1600:1063_600x0_80_0_0_b3a36f33f5bfdad6da03bd03434cf817.jpg)
«Հայ զինվորն անառիկ է պահում սահմանը, տավուշեցին՝ շենացնում երկիրը։ Շինարարական աշխատանքները շարունակվում են: Սահմանապահ գյուղերը պետք է ունենան կյանքի լավագույն որակը»,–Facebook սոցցանցի իր էջում գրել է մարզպետը։
![Հակառակորդի հրետակոծությունից ամենաշատը տուժած գյուղում արդեն մի քանի տուն վերականգնվել է Հակառակորդի հրետակոծությունից ամենաշատը տուժած գյուղում արդեն մի քանի տուն վերականգնվել է - Sputnik Արմենիա](https://cdn.am.sputniknews.ru/img/07e4/08/01/23959825_0:0:1600:1068_600x0_80_0_0_4ec2716578d494475aa2ec358eb8a1f0.jpg)
Ի դեպ, տների վերանորոգման հետ զուգահեռ նաև մեկնարկել են գյուղամիջյան փողոցների ասֆալտապատման աշխատանքները: Մարզպետ Հայկ Չոբանյանը եղել է շինհրապարակներում, զրուցել քաղաքացիների հետ և գնահատել շինարարական աշխատանքների ընթացքը:
Հրետակոծված Այգեպարի լուռ վկաները. ազդեցիկ լուսանկարներ
Հիշեցնենք, որ 2020 թվականի հուլիսի 12-ից 22-ն ընկած ժամանակահատվածում Ադրբեջանի զինված ուժերի կողմից Հայաստանի նկատմամբ կատարված զինված ագրեսիայի փաստերով ՀՀ քննչական կոմիտեում հարուցվել է 37 քրեական գործ։ Ամփոփելով ՀՀ սահմանամերձ բնակավայրերի խաղաղ բնակչությանը հասցված վնասը` ՀՀ քննչական կոմիտեն նաև հայտնել էր` Ադրբեջանի հրետակոծությունների արդյունքում վնասվել է 55 բնակելի տուն։