ԵՐԵՎԱՆ, 29 հուլիսի – Sputnik. Արքայազն Հարրին խախտել է արքայական ընտանիքի լուրջ սահմանափակումներից մեկը, որը վերաբերում է սոցիալական ցանցերին։ Պարզվում է՝ Մեգան Մարքլի հետ ծանոթանալուց հետո դուքսը Instagram-ում անձնական հաշիվ է բացել, ինչը թագավորական ընտանիքի անդամներին արգելված է։
Էլիզաբեթ 2-րդը թույլատրում է միայն պաշտոնական էջեր ունենալ, որտեղ լուսաբանվում են կարևոր տոներն ու պաշտոնական միջոցառումները։ Բայց թագուհու կրտսեր թոռանը դա ոչ մի կերպ չի խանգարել Մեգանի հետ իր հարաբերությունների սկզբում խաբել տատին։
Համաձայն թագավորական թղթակիցներ Քերոլայն Դյուրանի և Օմիդ Սքոբիի` վերջերս հրատարակված «Ազատություն որոնելիս» գրքի, որից հատվածներ է հրապարակել The Times-ը, արքայազն Հարրին հաստատ չորս տարի շարունակ անձնական հաշիվ է ունեցել Instagram-ում։
Կրեատիվ և ռոմանտիկ. արքայազն Հարրին և Մեգան Մարքլը միմյանց օրիգինալ նվերներ են մատուցել
Ընդ որում, արքայազնի սոցցանցային անունն իսկապես գաղտնի է եղել՝ SpikeyMau5։ Թագավորական «ապստամբը», որը հաուս-երաժշտության երկրպագու է, ինքն է հնարել այդ անունը, միավորելով սիրելի դիջեյի՝ Deadmau5-ի անունը և մականունը, որը նրան տվել էին թիկնապահները (Spike)։
2016 թ․-ին Մեգանը բաժանորդագրվել է «Խորհրդավոր ինստագրամյան հաշվի՝ @SpikeyMau5 անունով։ Գլխավոր լուսանկարում դեմք չէր երևում, միայն մկան տեսքով սաղավարտ։ Մարդկանց մեծ մասի համար դա ոչինչ չի նշանակում, բայց, ինչպես պարզել են հեղինակները, այդ հաշիվը միանշանակ Հարրիին է պատկանել»։
Հայտնի է` արքայազն Հարրին ու Մեգան Մարքլը որտեղ և ինչպես կնշեն իրենց երկրորդ հարսանիքը
Ավելի վաղ Mirror պարբերականի լրագրողները պարզել էին, որ նախկին ընկերուհու՝ Չելսի Դեյվիի հետ հարաբերությունների ընթացքում արքայազնը հաշիվ է ունեցել Facebook սոցիալական ցանցում։ Այնտեղ նա մոտ 400 ընկեր է ունեցել, որոնց թվում Մեծ Բրիտանիայի ամենահարուստ ու ազդեցիկ մարդիկ էին։ Այն ժամանակ նույնպես Հարրին օգտագործել էր Spike մականունը և կոչվում էր Սփայք Ուելս։ Հաշիվը ակտիվ է եղել 2008-2012թթ․։
