ԵՐԵՎԱՆ, 28 հուլիսի — Sputnik. Հակառակորդի մարտական դիրքից դիպուկահարի կրակոցից մահացու վիրավորված պայմանագրային զինծառայող Աշոտ Գևորգի Միքայելյանը հետմահու պարգևատրվել է «Մարտական խաչ» 1-ին աստիճանի շքանշանով:
ՀՀ վարչապետի միջնորդությամբ, նման հրամանագիր է ստորագրել ՀՀ նախագահ Արմեն Սարգսյանը:
«Հայրենիքի սահմանները պաշտպանելիս ցուցաբերած խիզախության և անձնուրացության համար Հայաստանի Հանրապետության պաշտպանության նախարարության թիվ N զորամասի դասակի հրամանատար, կապիտան Աշոտ Գևորգի Միքայելյանին հետմահու պարգևատրել «Մարտական խաչ» 1-ին աստիճանի շքանշանով»,- ասված է նախագահի հրամանագրում:
Հիշեցնենք` հուլիսի 27-ին` ժամը 01։10-ի սահմաններում, ՀՀ հյուսիսարևելյան ուղղությամբ տեղակայված զորամասերից մեկի մարտական դիրքում հակառակորդի կողմից դիպուկահար հրազենից արձակված կրակոցից մահացու հրազենային վիրավորում է ստացել պայմանագրային զինծառայող Աշոտ Գևորգի Միքայելյանը:
Տավուշում դիպուկահարի կրակոցից վիրավորված զինծառայողը մահացել է հոսպիտալի ճանապարհին. ՔԿ
