ԵՐԵՎԱՆ, 27 հուլիսի – Sputnik. Թուրքիայի Ստամբուլ քաղաքի Գումգափու թաղամասում ադրբեջանցիները հարձակվել են հայ երիտասարդի վրա։ Ըստ Ստամբուլի «Ակոս» պարբերականի` հարձակման ենթարկվածի մայրը պատմել է, որ իրենք տաքսի նստելիս են եղել, երբ մի խումբ ադրբեջանցիներ մոտեցել են ու սկսել Ղարաբաղի մասին հարցեր տալ։
Կնոջ խոսքով` իրենք ասել են, որ այդ հարցերով չեն հետաքրքրվում, բայց, միևնույնն է, հարձակման են ենթարկվել։
Թուրքիայի մեջլիսի հայ պատգամավոր Կարո Փայլանը Facebook–ի իր էջում գրել է, որ անհապաղ պետք է քայլեր ձեռնարկել Թուրքիայում ապրող հայերի դեմ սադրանքները կանխելու համար և գտնել նրանց, ովքեր կանգնած են հարձակումների հետևում։
