ԵՐԵՎԱՆ, 24 հուլիսի - Spuntik. Վորոնեժի կենտրոնում մի քանի տասնյակ մեքենայով չարտոնված ավտոերթի մասնակիցները տուգանվել են, մեկը կալանավորվել է։ Տեղեկությունը ՌԻԱ Նովոստիի հետ զրույցում հայտնել է ՆԳՆ գլխավոր վարչության տարածաշրջանային պետ Նատալյա Կուլիկովան։
Ավելի վաղ հայտնի էր դարձել, որ «ավտոերթի» մասնակիցները Ադրբեջանի դրոշները ծածանելով անցել են Կոլցովսկայա փողոցով ու շրջվել դեպի Պլեխանովսկայա փողոց։ Նրանք ազդանշաններ են տվել ու աղմկել։
«Հուլիսի 19–ի մոտ 19:00-ից (Մոսկվայի ժամանակով) ոստիկանությունը սկսել է ահազանգեր ստանալ այն մասին, որ տրանսպորտային միջոցները երթևեկում են քաղաքի կենտրոնական փողոցներով ու խոչընդոտում քաղաքացիների տեղաշարժը», - նշված է Կուլիկովայի հաղորդագրության մեջ։
Մոսկվայի ոստիկանությունը քրգործեր է հարուցել հայերի ու ադրբեջանցիների բախումներից հետո
Նրա խոսքով՝ ոստիկանության աշխատակիցները ստուգում են սկսել միջադեպի փաստով։
Այս պահին չարտոնված ավտոերթի յոթ մասնակիցներին դատարանը վարչական պատասխանատվության է ենթարկել ՌԴ վարչական իրավախախտումների մասին օրենսգքրի 20.2.2 հոդվածի առաջին մասով՝ «Հանրային վայրերում քաղաքացիների զանգվածային հավաք կամ տեղաշարժ, որը հանրային կարգուկանոնի խախտման է հանգեցրել»։ Իրավախախտներից մեկին երկու օր կալանք է նշանակվել, մնացածին՝ 10 հազար ռուբլի տուգանք։
Բացի այդ, 10 նյութ է հավաքվել վարչական իրավախախտումների մասին՝ ութ վարորդի կողմից ճանապարհատրանսպորտային կանոնները խախտելու համար։ Նրանց տուգանել են 500 – 1500 ռուբլու չափով։
Սահմանի հակամարտությունը տարբեր երկրների փողոցներ է տեղափոխվել. ով կարող է լուծել հարցը
